ທ່ານ ນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານປະທານສະພາສູງ ອົດສະຕາລີ Scott Ryan, ປະທານສະພາຕໍ່່າ ອົດສະຕາລີ Tony Smith

ໃນຂອບເຂດການຢ້ຽມຢາມອົດສະຕາລີ, ວັນທີ 15 ມີນາ, ທ່ານ ນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ພົບປະແລກປ່ຽນຄໍາເຫັນກັບທ່ານປະທານສະພາສູງ ອົດສະຕາລີ Scott Ryan ແລະ ປະທານສະພາຕໍ່່າ ອົດສະຕາລີ Tony Smith.

        ທີ່ການພົບປະແລກປ່ຽນ, ທ່ານນາຍົກລັດຖະມົນຕີ ຫງວຽນຊວນຟຸກໄດ້ຢັ້ງຢືນວ່າ ຫວຽດນາມປາດຖະໜາຢາກເຮັດໃຫ້ການພົວພັນກັບອົດສະຕາລີໃນທຸກຂົງເຂດໃຫ້ເລິກເຊິ່ງ ກວ່າອີກ ໃນນັ້ນມີສະພາແຫ່ງຊາດ; ພ້ອມທັງສະເໜີໃຫ້ສະພາສູງ ແລະ ສະພາຕໍ່າ ຄວນເອົາໃຈໃສ່ຊຸກຍູ້ການຮ່ວມມືລະຫວ່າງບັນດາອົງການນິຕິບັນຍັດສອງປະເທດໃຫ້ເຂັ້ມແຂງກວ່າ ອີກ ເພື່ອໃຫ້ສົມກັບການພົວພັນຄູ່ຮ່ວມມືຍຸດທະສາດທີ່ຫາກໍ່ສ້າງຕັ້ງ.

        ສ່ວນຝ່າຍອົດສະຕາລີ, ທ່ານປະທານສະພາສູງ Scott Ryan ແລະ ປະທານສະພາຕໍ່່າ Tony Smith ຢັ້ງຢືນວ່າ ສະພາສູງ ແລະ ສະພາຕໍ່າອົດສະຕາລີ ຍາມໃດກໍສະໜັບສະໜູນ ແລະ ໜູນຊ່ວຍການພັດທະນາການພົວພັນລະຫວ່າງຫວຽດນາມ - ອົດສະຕາລີຢ່າງສຸດໃຈ. ທ່ານປະທານສະພາສູງ Scott Ryan ໃຫ້ຮູ້ວ່າ ຈະສືບຕໍ່ສ້າງເງື່ອນໄຂ, ສະໜັບສະໜູນວົງຄະນະຍາດຊາວຫວຽດນາມຢູ່ອົດສະຕາລີ ເຊື່ອມຕົວເຂົ້າກັບສັງຄົມ ແລະ ທໍາມາຫາກິນປະສົບຜົນສໍາເລັດ, ສືບຕໍ່ປະກອບສ່ວນເຂົ້າໃນການພັດທະນາຂອງແຕ່ລະປະເທດ ກໍຄືການພົວພັນ ລະຫວ່າງ ຫວຽດນາມ - ອົດສະຕາລີ ຢ່າງຕັ້ງໜ້າ