ທ່ານນາຍົກລັດຖະມົນຕີ ຫງວຽນເຕີນຢູງ ເປັນປະທານ ກອງປະຊຸມນັດສາມັນ ຂອງ ລັດຖະບານ
ໃນລະຫວ່າງວັນທີ 30/11 ແລະ ວັນທີ 1/12 ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ໄດ້ເປັນປະທານກອງປະຊຸມນັດສາມັນເດືອນ 11 ຂອງລັດຖະບານ. ທ່ານນາຍົກລັດຖະມົນຕີ ຫງວຽນເຕີນຢູງ ຮຽກຮ້ອງບັນດາກະຊວງ, ຂະແໜງການທີ່ກ່ຽວຂ້ອງຄວມຄິດໄລ່ມາດຕະການຕ່າງໆ ເພື່ອສະກັດກັ້ນ, ຫຼຸດຜ່ອນໄພເງິນເຟີ້ໃນທັນທີ ເຊິ່ງສຳຄັນທີ່ສຸດແມ່ນສຸມໃສ່ເຂົ້າໃນນະໂຍບາຍເງິນຕາ.
ແລະກໍ່ໃນກອງປະຊຸມຄັ້ງນີ້, ບັນດາສະມາຊິກລັດຖະບານໄດ້ປະກອບຄຳຄິດຄຳເຫັນໃຫ້ແກ່ບາດກ້າວທຳອິດໃນການສ້າງ 3 ແຜນຮ່າງສຳຄັນ ເພື່ອແນໃສ່ສ້າງໂຄງປະກອບພື້ນຖານເສດຖະກິດຄືນໃໝ່. ທ່ານນາຍົກລັດຖະມົນຕີໄດ້ຊີ້ແຈງທັດສະນະຢາກສ້າງໂຄງປະກອບການລົງທຶນແຫ່ງລັດຄືນໃໝ່ໃຫ້ມິປະສິດທິຜົນ, ກ່ອນອື່ນໝົດແມ່ນຕ້ອງຍົກສູງຄວາມຮັບຜິດຊອບໃນການຄຸ້ມຄອງລັດຂອງບັນດາກະຊວງ, ຂະແໜງການໃນການວາງແຜນກຳນົດ ແລະ ຄຸ້ມຄອງແຜນກຳນົດ, ພ້ອມກັນນັ້ນກໍ່ເຕື້ອງເຖິງທັດສະນະ ແບ່ງຂັ້ນ, ແບ່ງສິດອຳນາດຕິດພັນກັບຄວາມຮັບຜິດຊອບ.
“ຂ້າພະເຈົ້າສະເໜີສືບຕໍ່ແບ່ງຂັ້ນຄື ປະຈຸບັນ ແຕ່ຕ້ອງຮັບປະກັນ ເປັນເອກະພາບໃນການຄຸ້ມຄອງລັດ, ແບ່ງຂັ້ນ, ມີສິດຕັດສິນ ແຕ່ຕ້ອງລົງທຶນຕາມແຜນກຳນົດ, ພຽງແຕ່ຕັດສິນເມື່ອມີແຫຼ່ງທຶນ, ເມື່ອມີໂຄງການໄດ້ຮັບການເຊັນອະນຸມັດ. ໂຄງການທີ່ມີຄວາມເປັນໄປໄດ້ ຕ້ອງມີຂອບຂະໜາດຄືແນວໃດ, ແຫຼ່ງທຶນຢູ່ໄສ, ຈາກນັ້ນຈະມີປະສິດທິຜົນຄືແນວໃດ.”
ບັນດາ ສະມາຊິກໃນຄະນະລັດຖະບານກໍ່ປຶກສາຫາລື ແລະ ປະກອບຫຼາຍມາດຕະການທີ່ກ່ຽວຂ້ອງເຖິງການກຳນົດທິດພັດທະນາຢ່າງໝັ້ນຄົງຂອງຫວຽດນາມ ໄລຍະ 2011 - 2020.