ຕອນເຊົ້າວັນທີ 14 ສິງຫາ, ທີ່ການຕ້ອນຮັບທ່ານນາຍົກລັດຖະມົນຕີລາວ ທອງລຸນ ສີສຸລິດ ພວມຢູ່ຫວຽດນາມ ເພື່ອເຂົ້າຮ່ວມພິທີໄວ້ອາໄລທ່ານອະດີດເລຂາທິການໃຫຍ່ ເລຂາຟຽວ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຂອບໃຈບັນດາການນຳ ແລະ ປະຊາຊົນລາວ ອ້າຍນ້ອງກ່ຽວກັບອາລົມຈິດຄວາມຮັກແພງ ແລະ ການກະທຳອັນລ້ຳຄ່າທີ່ສະຫງວນໃຫ້ແກ່ທ່ານອະດີດເລຂາທິການໃຫຍ່ ເລຂາຟຽວ, ຖືນີ້ແມ່ນພະຍານຫຼັກຖານທີ່ມີຊີວິດຊີວາໃຫ້ແກ່ນ້ຳໃຈສາມັກຄີພິເສດ, ສັດຊື່ບໍລິສຸດ, ຂາວແຈ້ງ, ຮຽງບ່າຮຽງໄຫຼ່, ແບ່ງປັນຄວາມສຸກຄວາມທຸກເຊິ່ງກັນແລະກັນລະຫວ່າງຫວຽດນາມ ແລະ ລາວ; ພ້ອມທັງແມ່ນໂອກາດເພື່ອໃຫ້ປະຊາຊົນ, ພິເສດແມ່ນລຸ້ນໜຸ່ມຂອງ 2 ປະເທດມີຄວາມເຂົ້າໃຈກ່ຽວກັບສາຍພົວພັນສັດຊື່ບໍລິສຸດ, ຂາວແຈ້ງ ແລະ ເປັນແບບຢ່າງລະຫວ່າງ 2 ພັກ, 2 ຊາດຫວຽດນາມ - ລາວ ຢ່າງຈະແຈ້ງກວ່າ.

        ເນື່ອງໃນໂອກາດນີ້, ນາຍົກລັດຖະມົນຕີທັງ 2 ທ່ານກໍ່ໄດ້ແລກປ່ຽນກ່ຽວກັບສະພາບການເສດຖະກິດ - ສັງຄົມຂອງແຕ່ລະປະເທດ; ກວດກາຄືນການຜັນຂະຫຍາຍຂໍ້ຕົກລົງຂອງການນຳຂັ້ນສູງ 2 ປະເທດ, ໝາກຜົນກອງປະຊຸມຄັ້ງທີ 42 ຄະນະກຳມະການລະຫວ່າງລັດຖະບານຫວຽດນາມ - ລາວ; ຊຸກຍູ້ບັນດາໂຄງການຮ່ວມມືຈຸດສຸມສຳຄັນ ແລະ ປຶກສາຫາລືບັນດາມາດຕະການຊຸກຍູ້ການພົວພັນລະຫວ່າງຫວຽດນາມ - ລາວ ໃນໄລຍະຈະມາເຖິງ ແລະ ບັນດາການກຳນົດທິດຍຸດທະສາດໃນໄລຍະ 2021 – 2025 ແລະ ຮອດປີ 2030.