ທ່ານປະທານປະເທດເຈືອງເຕີນຊາງພົບປະກັບຜູ້ມີສິດເລືອກຕັ້ງຢູ່ນະຄອນໂຮ່ຈິມີນ
ທ່ານປະທານປະເທດເຈືອງເຕີນຊາງ, ໄດ້ພົບປະກັບຜູ້ມີສິດເລືອກຕັ້ງ ນະຄອນໂຮ່ຈິມີນ
ພາບ:internet
|
(vovworld)- ສືບຕໍ່ລາຍການພົບປະກັບຜູ້ມີສິດເລືອກຕັ້ງກ່ອນດຳເນີນກອງປະຊຸມສະໄຫມສາມັນເທື່ອທີ 6 ສະພາບແຫ່ງຊາດຊຸດທີ 13, ວັນທີ 11/10, ທ່ານປະທານປະເທດເຈືອງເຕີນຊາງ, ໄດ້ພົບປະກັບຜູ້ມີສິດເລືອກຕັ້ງເມືອງ 1 ແລະ ເມືອງ 3 ນະຄອນໂຮ່ຈິມີນ. ກ່າວຄຳເຫັນເມື່ອຮັບເອົາຄຳເຫັນຈາກຜູ້ມີສິດເລືອກຕັ້ງ, ທ່ານປະທານປະເທດເຈືອງເຕີນຊາງ ຮັບຮູ້ບັນດາຄຳເຫັນຢ່າງສຸດຈິດສຸດໃຈ ແລະ ມີຄວາມຮັບຜິດຊອບສູງຂອງຜູ້ມີສິດເລືອກຕັ້ງ. ກ່ຽວກັບການປະຕິບັດມະຕິສູນກາງພັກຄັ້ງທີ 4 ແລະ ການປ້ອງກັນ ແລະ ຕ້ານການສໍ້ລາດບັງຫລວງ, ທ່ານປະທານປະເທດຊົມເຊີຍນະຄອນໂຮ່ຈິມີນ ໄດ້ແກ້ໄຂຢ່າງວ່ອງໄວ, ເຂັ້ມງວດບັນດາກໍລະນີຜ່ານມາ. ນີ້ກໍແມ່ນບົດຮຽນເພື່ອໃຫ້ທ້ອງຖິ່ນຕ່າງໆ ແລະນັບທັງສູນກາງ.
ກ່ຽວກັບວຽກງານຕ້ອນຮັບ ປຊຊ ແລະ ວຽກງານແກ້ໄຂການຮ້ອງທຸກ, ຮ້ອງຟ້ອງ, ທ່ານປະທານປະເທດເຈືອງເຕິນຊາງ ຖືວ່າ: ການແກ້ໄຂຕ້ອງອີງຕາມຂໍ້ກຳນົດຂອງກົດໝາຍ. ເມື່ອເຕື້ອງເຖິງເລື່ອງສະພາແຫ່ງຊາດຕ້ອງຕິດຕາມກວດກາການສຶກສາ, ທ່ານປະທານປະເທດເຈືອງເຕິນຊາງ ຢືນຢັນວ່າ: ນີ້ແມ່ນບັນຫາໃຫ່ຍທີ່ສຸດ. ມະຕິກ່ຽວກັບການປ່ຽນໃໝ່ການສຶກສາໂດຍພື້ນຖານ ຫາກໍ່ໄດ້ຮັບການຮັບຮອງເອົາທີ່ກອງປະຊຸມໃຫ່ຍຄັ້ງທີ 8 ຂອງພັກ ໄດ້ສະແດງໃຫ້ເຫັນຄວາມຕັດສິນໃຈຂອງພັກ.
ກ່ຽວກັບການຟື້ນຕົວພັດທະນາເສດຖະກິດຢ່າງຊັກຊ້ານັ້ນ, ທ່ານປະທານປະເທດເຈືອງເຕິນຊາງ ຖືວ່າ, ໃນກ່ວາ 2 ປີຜ່ານມາ, ສະພາບເສດຖະກິດປະສົບກັບຄວາມຫຍຸ້ງຍາກ, ຈາກຈຸດໝາຍເຕີບໂຕໄວ ໄດ້ຫັນປ່ຽນເປັນການເຕີບໂຕແບບຍືນຍົງ ດ້ວຍບັນດາໝາກຜົນຄື: ຄວບຄຸມໄພເງິນເຟີ້ ແຕ່ຍັງມີສິ່ງທ້າທາຍຫຼາຍຢ່າງທີ່ຕ້ອງແກ້ໄຂໃນຊຸມປີຍັງເຫຼືອ ຂອງແຜນການ 5 ປີຄື: ວິສາຫະກິດລົ້ມລະລາຍ, ການຜະລິດຖືກຢຸດສະງັກ, ສິນຄ້າຄ້າງສາງ....