(ພາບ:baomoi.com)
(vovworld)- ຕອນບ່າຍວັນທີ 5/7, ຢູ່ສຳນັກງານນາຍົກລັດຖະມົນຕີ, ທ່ານຮອງນາຍົກລັດຖະມົນຕີຫງວຽນທ້ຽນເຍິນ ໄດ້ໃຫ້ການຕ້ອນຮັບຄະນະຜູ້ແທນຜູ້ມີຄຸນງາມຄວາມດີຕໍ່ການປະຕິວັດແຂວງກວາງຈິ ໃນໂອກາດຄະນະມານະຄອນຫລວງຮ່າໂນ້ຍ ແລະ ເຂົ້າຢ້ຽມສຸສານປະທານໂຮ່ຈິມິນ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີຫງວຽນທ້ຽນເຍິນ ຢືນຢັນວ່າ: ພັກ, ລັດ, ລັດຖະບານ ແລະ ປຊຊ ຍາມໃດກໍ່ຈົດຈຳບຸນຄຸນ, ຮັບຮູ້ຄຸນງາມຄວາມດີຂອງທະຫານເສຍອົງຄະ, ນັກຮົບເສຍຊີວິດເພື່ອຊາດ ແລະ ຜູ້ມີຄຸນງາມຄວາມດີຕໍ່ການປະຕິວັດ ຊື່ງໄດ້ປະກອບເລືອດເນື້ອເພື່ອຍາດເອົາເອກະລາດແຫ່ງຊາດ, ຄວາມເປັນເອກະພາບຂອງປະເທດຊາດ. ທ່ານຮອງນາຍົກລັດຖະມົນຕີຫງວຽນທ້ຽນເຍິນ ສະເໜີໃຫ້ການນຳແຂວງກວາງຈິ ຕ້ອງສືບຕໍ່ຍູ້ແຮງບັນດາການເຄື່ອນໄຫວເອົາໃຈໃສ່ເຍິ່ງແຍງຊີວິດດ້ານວັດຖຸ ແລະ ຈິດໃຈຂອງບັນດາຄອບຄົວນະໂຍບາຍ, ຜູ້ມີຄຸນງາມຄວາມດີຕໍ່ການປະຕິວັດ; ສູ້ຊົນບັນລຸ 100% ຕາແສງປະຕິບັດວຽກງານ “ຕອບບຸນແທນຄຸນ” ເປັນຢ່າງດີ, ຂົນຂວາຍ ປຊຊ ປະກອບເຂົ້າກອງທຶນ “ຕອບບຸນແທນຄຸນ” .