(vovworld) - ຕອນເຊົ້າວັນທີ 20/12, ທ່ານນາຍົກລັດຖະມົນຕີຫງວຽນເຕີນຢຸງ ນຳໜ້າຄະນະຜູ້ແທນຫວຽດນາມ ໄດ້ອອກຈາກຮ່າໂນ້ຍ ເດີນທາງໄປເຂົ້າຮ່ວມກອງປະຊຸມສຸດຍອດສະເຫຼີມສະຫຼອງ 20 ປີແຫ່ງການພົວພັນຄູ່ເຈລະຈາອາຊຽນ-ອິນເດຍ ຊື່ງຖືກຈັດຂຶ້ນຢູ່ນະຄອນຫຼວງນີວເດລີ-ປະເທດອິນເດຍ. ດ້ວຍຫົວຂໍ້ “ຄູ່ຮ່ວມມືອາຊຽນ-ອິນເດຍ ເພື່ອສັນຕິພາບ ແລະ ຄວາມວັດຖະນາຖາວອນລວມ“, ກອງປະຊຸມສຸດຍອດສະເຫຼີມສະຫຼອງ 20 ປີແຫ່ງການພົວພັນຄູ່ເຈລະຈາອາຊຽນ-ອິນເດຍ ຖືກດຳເນີນໃນລະຫວ່າງວັນທີ 20-21/12 ສຸມໃສ່ປຶກສາຫາລືທິດທາງການພົວພັນລະຫວ່າງອາຊຽນ-ອິນເດຍ ໃນອະນາຄົດ ແລະ ຮັບຮອງເອົາຖະແຫຼງການວິໄສທັດ, ຍົກການພົວພັນຄູ່ເຈລະຈາອາຊຽນ-ອິນເດຍ ຂຶ້ນເປັນຄູ່ຮ່ວມມືຍຸດທະສາດ. ດ້ວຍຈິດໃຈ “ເປັນເຈົ້າການ, ຕັ້ງໜ້າ ແລະ ມີຄວາມຮັບຜິດຊອບ“, ຄະນະຜູ້ແທນຫວຽດນາມ ເຂົ້າຮ່ວມກອງປະຊຸມຈະສືບຕໍ່ຊຸກຍູ້ການພົວພັນຄູ່ເຈລະຈາອາຊຽນ-ອິນເດຍ ໃຫ້ພັດທະນາຢ່າງແທດຈິງ ແລະ ມີປະສິດທິຜົນດ້ວຍຈຸດສຸມແມ່ນການຮ່ວມມືດ້ານເສດຖະກິດ, ການຄ້າ, ການລົງທຶນ, ວິທະຍາສາດເຕັກໂນໂລຊີ, ເພີ່ມທະວີການເຊື່ອມຈອດ, ໜູນຊ່ວຍການສ້າງປະຄົມອາຊຽນ, ຮ່ວມມືໃນອະນຸພາກພື້ນແມ່ນ້ຳຂອງ, ພ້ອມທັງປະກອບສ່ວນເພີ່ມທະວີການພົວພັນຄູ່ຮ່ວມມືຍຸດທະສາດ ແລະ ການຮ່ວມມືສອງຝ່າຍລະຫວ່າງຫວຽດນາມ-ອິນເດຍ.