ທ່ານຮອງນາຍົກລັດ ຖະມົນຕີ ຫງວຽນ ທ້ຽນເຍີນ ຢ້ຽມຢາມ ແລະ ເຮັດວຽກຢູ່ແຂວງ ຮ່ານາມ
ທ່ານຮອງນາຍົກລັດຖະມົນຕີ ຫງວຽນທ໊ຽນເຍີນ ເຮັດວຽກກັບການນຳແຂວງ ຮ່ານາມ
(ພາບ: http://nguyenthiennhan.net)
(vovworld)ວັນທີ 7/2, ທ່ານຮອງນາຍົກລັດຖະມົນຕີຫວຽດນາມ ຫງວຽນທ້ຽນເຍີນ ພ້ອມກັບຄະນະປະຕິບັດງານຂອງລັດຖະບານໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ຮ່ານາມ. ກ່າວຄຳເຫັນທີ່ການເຮັດວຽກ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ໄດ້ຊົມເຊີຍແຂວງຮ່ານາມທີ່ໄດ້ຖືເອົາແຫຼ່ງຊັບພະຍາກອນມະນຸດແມ່ນປະຖົມປັດໃຈເພື່ອພັດທະນາໃນໄລຍະຍາວ, ຮູບແບບແຫຼ່ງຊັບພະຍາກອນມະນຸດຕິດພັນ ກັບຮາກຖານບຳລຸງສ້າງ ແລະ ວິສາຫະກິດ ໄດ້ເສີມຂະຫຍາຍປະສິດທິຜົນ. ທ່ານຮອງນາຍົກລັດຖະມົນຕີໄດ້ຕັກເຕືອນວ່າ, ແຂວງ ຮ່ານາມຕ້ອງເສີມຂະຫຍາຍທ່າໄດ້ປຽບຂອງທ້ອງຖີ່ນທີ່ໃກ້ກັບນະຄອນຫຼວງ ຮ່າໂນ້ຍ ເພື່ອສ້າງການພັດທະນາບຸກທະລຸ, ຕ້ອງຍູ້ແຮງການນຳໃຊ້ບັນດາຜົນງານດ້ານວິທະຍາສາດເຕັກໂນໂລຢີຂອງນະຄອນຫຼວງ ຮ່າໂນ້ຍ ເພື່ອຍົກສູງປະສິດທິຜົນການຜະລິດ, ການດຳເນີນທຸລະກິດ, ປົກປັກຮັກສາສິ່ງແວດລ້ອມ.
ແລະກໍ່ໃນວັນດຽວກັນ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນໄດ້ໄປຢ້ຽມຢາມເຂດທ່ອງທ່ຽວ ຕາມຈູກ - ບາຊາວ, ຢ້ຽມຢາມຮູບແບບການບຳລຸງສ້າງ, ນຳໃຊ້ແຫຼ່ງຊັບພະຍາກອນມະນຸດ ແລະ ເຂົ້າຮ່ວມງານເປີດສະຫຼອງໄລຍະ 2 ຂອງໂຮງງານ Sumi ຢູ່ເຂດອຸດສາຫະກຳ ດົ່ງວັນ (ເມືອງ ຢຸຍຕຽນ), ຢ້ຽມຢາມພື້ນຖານໂຄງລ່າງຂອງເຂດຕົວເມືອງບັນດາມະຫາວິທະຍາໄລ, ປູກຕົ້ນໄມ້, ຖະຫວາຍທູບທຽນຢູ່ອະນຸສາວະລີວິລະຊົນເສຍສະຫຼະຊີວິດເພື່ອຊາດແຂວງ ຮ່ານາມ.