(vovworld) – ວັນທີ 14/5, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ ພ້ອມກັບຄະນະຜູ້ແທນສະພາແຫ່ງຊາດນະຄອນ ຮ່າໂນ້ຍ ໄດ້ພົບປະກັບຜູ້ມີສິດເລືອກຕັ້ງບັນດາເມືອງຮ່ວານກ໋ຽມ, ໄຕໂຮ່ ເພື່ອແນໃສ່ກະກຽມໃຫ້ແກ່ກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຊຸດທີ 13. ກ່ຽວກັບບັນຫາລົງມະຕິສຳລັບບັນດາຕຳແໜ່ງໂດຍສະພາແຫ່ງຊາດ, ສະພາປະຊາຊົນເລືອກຕັ້ງ, ຫຼືໃຫ້ສັດຕະຍາບັນ, ໂດຍລະອຽດແມ່ນໃນກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຈະດຳເນີນການລົງມະຕິ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ: ສູນກາງຕົກລົງລົງມະຕິ ບໍ່ພຽງແຕ່ສຳລັບສະພາແຫ່ງຊາດເທົ່ານັ້ນ, ຫາກສຳລັບບັນດາອົງການພັກ, ອົງການມະຫາຊົນໃນລະບົບການເມືອງອີກດ້ວຍ. ນີ້ແມ່ນບັນຫາໃຫຍ່, ສະແດງຄວາມຕັດສິນໃຈປ່ຽນໃໝ່, ປະຊາທິປະໄຕ, ເພີ່ມທະວີບົດບາດຕິດຕາມກວດກາຂອງປະຊາຊົນ, ຂອງສະມາຊິກສະພາແຫ່ງຊາດ, ສະມາຊິກສະພາປະຊາຊົນ.
ກ່ຽວກັບການເບິ່ງແຍງຊີວິດການເປັນຢູ່ຂອງປະຊາຊົນໃນເຂດທະເລໝູ່ເກາະ. ທ່ານເລຂາທິການໃຫຍ່ ຫງວຽນຟູ໋ຈ້ອງ ເນັ້ນໜັກວ່າ, ພັກ, ລັດມີຄວາມເອົາໃຈໃສ່ທີ່ສຸດເຖິງບັນຫານີ້, ນັບແຕ່ວຽກງານຫາປາ, ລາຄານ້ຳມັນ, ເຮືອ, ກຳປັ່ນ, ການຮ່ວມມືຊ່ວຍເຫຼືອກັນຫາປາ, ການຂຸດຄົ້ນຊັບພະຍາກອນ… ຕິດພັນກັບການປະຕິບັດຍຸດທະສາດທະເລ, ການປົກປັກຮັກສາເອກະລາດ, ອະທິປະໄຕ. ປະຊາຊົນ, ຮັກສາສາຍພົວພັນປອງດອງ, ຮັກສາຄວາມໝັ້ນຄົງເພື່ອພັດທະນາປະເທດຊາດ.
ທ່ານເລຂາທິການໃຫຍ່ ຫງວຽນຟູ໋ຈ້ອງ ກໍ່ຮັບຮູ້ ແລະ ຮັບເອົາຄຳເຫັນປະກອບຂອງຜູ້ມີສິດເລືອກຕັ້ງຫຼາຍຄົນກ່ຽວກັບການເພີ່ມທະວີການເຄື່ອນໄຫວຕິດຕາມກວດກາຂອງສະພາແຫ່ງຊາດ, ໂດຍລະອຽດແມ່ນບັນຫາ ໂບຊິດ ຢູ່ ໄຕງວຽນ, ເລື່ອງຕິດຕາມກວດກາການປະກາດໃຊ້ບັນດາເອກະສານນິຕິກຳ, ຮັບປະກັນລັກສະນະເປັນໄປໄດ້, ຫຼີກເວັ້ນສະພາບປະກາດໃຊ້ແລ້ວ ແຕ່ປະຕິບັດຍາກໃນສະພາບຕົວຈິງ.