ທ່ານເລຂາທິການໃຫຍ່ສປຊຕີລາຄາສູງຜົນງານພັດທະນາຮອບດ້ານຂອງຫວຽດນາມ
ທ່ານເລຂາທິການໃຫຍ່ ສປຊ Ban Ki-moon ແລະ ທ່ານນາງ ຫງວຽນເຟືອງງາ
(ພາບ: Lê Dương/TTXVN)
(vovworld) - ວັນທີ 5/11, ກ່າວຄຳເຫັນທີ່ພິທີຕ້ອນຮັບທ່ານນາງເອກອັກຄະລັດຖະທູດວິສາມັນຜູ້ມີອຳນາດເຕັມ, ຜູ້ຕາງໜ້າປະຈຳການຫວຽດນາມ ປະຈຳສປຊ ຫງວຽນເຟືອງງາ ໄດ້ເຂົ້າຍື່ນຈົດໝາຍຂອງທ່ານປະທານປະເທດຫວຽດນາມ ເຈືອງເຕິ້ນຊາງ. ທ່ານເລຂາທິການໃຫຍ່ ສປຊ Ban Ki-moon ໄດ້ສະແດງຄວາມພາກພູມໃຈຕໍ່ໜ້າການພັດທະນາການພົວພັນຮ່ວມມືລະຫວ່າງຫວຽດນາມ ແລະ ສປຊ ນັບມື້ນັບເລິກເຊິ່ງ, ກ້ວາງຂວາງ, ໃນນັ້ນມີການຜັນຂະຫຍາຍຂໍ້ລິ້ເລີ່ມເປີດສຳນັກງານຜູ້ຕາງໜ້າຂອງສປຊ ປະຈຳຫວຽດ ນາມ. ທ່ານເລຂາທິການໃຫຍ່ Ban Ki-moon ໄດ້ຊົມເຊີຍການປະກອບສ່ວນຕັ້ງໜ້າ ແລະ ຂອບອົກຂອບໃຈການສະໜັບສະໜູນຂອງຫວຽດນາມສຳລັບບັນດາການເຄື່ອນໄຫວຂອງສປຊ ຜ່ານການປະກອບສ່ວນທີ່ຕັ້ງໜ້າເຂົ້າວິວັດການປະຕິບັດບັນ ດາຈຸດໝາຍການພັດທະນາສະຫັດສະວັດ (MDGs) , ສ້າງບັນດາເປົ້າໝາຍພັດທະນາຢ່າງໝັ້ນຄົງພາຍຫຼັງປີ 2015 (SGD) ແລະ ເຂົ້າຮ່ວມກຳລັງຮັກສາສັນຕິພາບຂອງສປຊ.
ທ່ານນາງເອກອັກຄະລັດຖະທູດຫງວຽນເຟືອງງາ ຢັ້ງຢືນວ່າ: ຫວຽດນາມ ເຄົາລົບນັບຖື ແລະ ຮູ້ບຸນຄຸນຕໍ່ການໜູນຊ່ວຍຂອງສປຊສຳລັບຫວຽດນາມໃນບັນດາຂົງເຂດການພັດທະນາເສດຖະກິດ, ສັງຄົມ ຢ່າງມີປະສິດທິຜົນ ແລະ ຈະສືບຕໍ່ການປະຕິບັດແນວທາງການຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ ເພື່ອການຮ່ວມມື ແລະ ພັດທະນາ, ແຜນນະໂຍບາຍເປັນເຈົ້າການຢ່າງສະເໝີຕົ້ນສະເໝີປາຍ; ແລະ ຕັ້ງໜ້າເຊື່ອມໂຍງເຂົ້າກັບສາກົນ, ໃນນັ້ນການພົວພັນທາງການທູດຫຼາຍຝ່າຍ ແລະ ການພົວພັນກັບສປຊ ແມ່ນໜຶ່ງໃນບັນດາບຸລິມະສິດອັນດັບໜຶ່ງ. ໃນໄລຍະຈະມາເຖິງຫວຽດນາມຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການສ້າງຍຸດທະສາດ, ໂຄງການເຄື່ອນໄຫວຂອງສປຊ ເພື່ອການປະຕິບັດບັນດາຈຸດໝາຍການພັດທະນາແບບຍືນຍົງ ແລະ ໂຄງການດຳເນີນງານປີ 2015, ຮັກສາສັນຕິພາບ, ປ້ອງກັນຄວາມສະຫງົບສາກົນ ແລະ ພາກພື້ນ, ຮ່ວມແຮງຮ່ວມໃຈແກ້ໄຂບັນດາສິ່ງທ້າທາຍທົ່ວໂລກ.