(vovworld) - ຕອນເຊົ້າວັນທີ 05/06, ທີ່ການເຮັດວຽກກັບຄະນະປະຈຳຄະນະພັກແຂວງ ແລະ ພະນັກງານຫຼັກແຫຼ່ງຂອງແຂວງໄຕນິງ, ທ່ານເລຂາທິການໃຫຍ່ ຫງວຽນຟຸຈ້ອງ ສະເໜີໃຫ້ແຂວງສືບຕໍ່ຕີລາຄາ, ຂຸດຄົ້ນຄວາມສາມາດບົ່ມຊ້ອນ, ທ່າແຮງ ແລະ ບັນດາກົນໄກ, ນະໂຍບາຍໃຫ້ໝົດ ເພື່ອພັດະນາອຸດສາຫະກຳ, ກະສິກຳນຳໃຊ້ເຕັກໂນໂລຊີສູງ, ການທ່ອງທ່ຽວ ແລະ ການບໍລິການ. ພ້ອມກັບການພັດທະນາເສດຖະກິດ ຕ້ອງເອົາໃຈໃສ່ເຖິງວຽກງານຮັບປະກັນຊີວິດສັງຄົມ, ເບິ່ງແຍງດູແລຜູ້ມີຄຸນງາມຄວາມດີ, ຜູ້ທຸກຍາກ, ເອົາໃຈໃສ່ເຖິງການສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ປະຕິບັດວຽກງານກໍ່ສ້າງພັກໃຫ້ເປັນຢ່າງດີ…
ໃນຕອນບ່າຍວັນທີ 04/06, ທ່ານເລຂາທິການໃຫຍ່ ກໍໄປຊອກຮູ້ການເຄື່ອນໄຫວຜະລິດ, ດຳເນີນທຸລະກິດຢູ່ນິຄົມກະເສດນິງດ່ຽນ, ຂຶ້ນກັບບໍລິສັດ ຮືງທິ້ງ ຈຳກັດ, ຢູ່ເມືອງເຈົາແທ່ງ. ກ່າວຄຳເຫັນຢູ່ທີ່ນີ້, ທ່ານເລຂາທິການໃຫຍ່ ຫງວຽນຟຸຈ້ອງ ໃຫ້ຮູ້ວ່າ.
“ນິຄົມກະເສດທຳມາຫາກິນຕາມຮູບແບບໃໝ່, ຕາມທິດຕິດພັນລະຫວ່າງກະສິກຳກັບອຸດສາຫະກຳ ແລະ ເຕັກໂນໂລຊີສູງ, ມີຄຸນນະພາບສູງ, ມີລະດັບຄວາມຮູ້ສູງ, ຕ້ອງໂສ້ການຜະລິດທັນສະໄໝ. ອາດເວົ້າໄດ້ວ່າ, ນີ້ແມ່ນປັດໃຈໄໝ່ ຖ້າພວກເຮົາປະຕິບັດເປັນຢ່າງດີ, ຜົນສຳເລັດອາດຈະໄດ້ຮັບການທະວີຄູນຢ່າງກວ້າງຂວາງ, ສິ່ງນີ້ແມ່ນເໝາະສົມກັບແຜນນະໂຍບາຍ, ແນວທາງ, ມະຕິຂອງພັກ”.