ເອົາຕົວຢ່າງໄປວິໄຈຫາເຊື້ອພະຍາດໂຄວິດ - 19 (ພາບ: TTXVN)

ຕາມບົດລາຍງານທີ່ໄດ້ປະກາດໃນວັນທີ 27 ມັງກອນ, ຂອງ ສະຖາບັນ Lowy ອົດສະຕາລີ ເຊິ່ງຈັດອັນດັບ ນິວຊີແລນ ແລະ ຫວຽດນາມ ແມ່ນສອງປະເທດທີ່ຮັບມືກັບໂລກລະບາດໂຄວິດ - 19 ຢ່າງມີປະສິດທິຜົນທີ່ສຸດໃນໂລກ.

        ບັນດານັກຄົ້ນຄ້ວາຂອງສະຖາບັນ Lowy ໄດ້ເກັບກຳຂໍ້ມູນຈາກບັນດາປະເທດທີ່ແຕກຕ່າງກັນໃນໂລກ ເພື່ອຕີລາຄາສະພາບການແກ້ໄຂໂລກລະບາດໂຄວິດ - 19ຂອງແຕ່ລະປະເທດຢ່າງຖືກຕ້ອງທີ່ສຸດ. ຂໍ້ມູນເກັບກຳ ກ່ວາ 100 ປະເທດ ລວມມີ ຈຳນວນຜູ້ຕິດເຊື້ອ ຢູ່ແຕ່ລະປະເທດ, ອັດຕາຜູ້ເສຍຊີວິດ ແລະ ຈຳນວນກໍລະນີວິໄຈຫາເຊື້ອທີ່ໄດ້ຢັ້ງຢືນ.

        ຜ່ານການຕີລາຄາ, ບັນດານັກຄົ້ນຄ້ວາໄດ້ຢັ້ງຢືນວ່າ ນິວຊີແລນ ແມ່ນປະເທດຢືນຢູ່ອັນດັບທີ 1 ໃນຕາລະລາງຈັດອັນດັບ 100 ປະເທດທີ່ມີຜົນງານໃນການຮັບມືກັບໂລກລະບາດໂຄວິດ - 19 ດີທີ່ສຸດໃນໂລກ, ຢືນຢູ່ອັນດັບທີ 2 ແມ່ນ ຫວຽດນາມ ແລະ ຖັດຈາກນັ້ນແມ່ນ ໄຕ້ຫວັນ (ຈີນ) ແລະ ໄທ.