( ສະເຫຼີມສະຫຼອງວັນສະຖາປະນາ ສ.ຮຸງກາລີ ເມືອປີ 2011 )
(vovworld) - ຕອນບ່າຍວັນທີ 20/8, ຢູ່ນະຄອນໂຮ່ຈິມິນ, ຫວຽດນາມ, ສະຫະສະມາຄົມບັນດາອົງການມິດຕະພາບ ແລະ ສະມາຄົມມິດຕະພາບຫວຽດນາມ - ຮຸງກາລີ ນະຄອນໂຮ່ຈິມິນ ໄດ້ຈັດການພົບປະເນື່ອງໃນໂອກາດສະເຫຼີມສະຫຼອງວັນສະຖາປະນາ ສ.ຮຸງກາລີ. ໃນປີ 2011, ຍອດວົງເງິນການຄ້າສອງສົ້ນບັນລຸກວ່າ 168 ລ້ານ USD. ມາຮອດປະຈຸບັນ, ຮຸງກາລີ ມີ 11 ໂຄງການ FDI ທີ່ຍັງມີຜົນສັກສິດຢູ່ຫວຽດນາມ ດ້ວຍຍອດຈຳນວນເງິນຈົດຖະບຽນກວ່າ 45 ລ້ານ USD, ສຸມໃສ່ເຂົ້າໃນບັນດາຂົງເຂດອຸດສາຫະກຳປຸງແຕ່ງ, ຜະລິດ… ທ່ານ Le Minh Triet, ປະທານສະມາຄົມມິດຕະພາບຫວຽດນາມ - ຮຸງກາລີ ນະຄອນໂຮ່ຈິມິນ ເວົ້າວ່າ.
“ປະຈຸບັນນ້ຳໃຈຂອງຊາວຮຸງກາລີ ຕໍ່ກັບຫວຽດນາມ ແມ່ນຍັງເໝືອນເດີມ, ຄວາມສາມັກຄີມິດຕະພາບຍັງໄດ້ຮັບການເສີມຂະຫຍາຍ. ເຖິງແມ່ນວ່າປະຈຸບັນເສດຖະກິດຂອງ ຮຸງກາລີ ປະສົບກັບຄວາມຫຍຸ້ງຍາກ ແຕ່ຍັງສືບຕໍ່ຮ່ວມມືກັບຫວຽດນາມ ຢ່າງແໜ້ນແຟ້ນ, ລະອຽດແມ່ນ ຮຸງກາລີ ຍັງຊ່ວຍເຫຼືອຫວຽດນາມ ກໍ່ສ້າງໂຮງໝໍປິ່ນປົວໂລກມະເຮັງ, ກ້ອນເບົ້າ ຢູ່ນະຄອນເກິນເທີ. ເນື່ອງໃນໂອກາດນີ້, ພວກຂ້າພະເຈົ້າຂໍອວຍພອນໃຫ້ນ້ຳໃຈມິດຕະພາບລະຫວ່າງສອງປະເທດໃຫ້ນັບມື້ນັບໄດ້ຮັບການຮັກສາ ແລະ ພັດທະນາຢ່າງແຂງແຮງກວ່າອີກ, ພິເສດແມ່ນໃນຂົງເຂດບຳລຸງສ້າງ”.