ນະຄອນໂຮ່ຈີມິນພົບປະສັງສັນກັບສະມາຊິກສະພາແຫ່ງຊາດລຸ້ນຕ່າງໆ
(ທ່ານ ເລແທງຫາຍ ຊີ້ນຳອົງຄະນະພັກນະຄອນ ໂຮ່ຈີມິນ
ຮັບຕ້ອນບັນດາສະມາຊິກສະພາແຫ່ງຊາດ)
(vovworld) – ສະເຫຼີມສະຫຼອງ 70 ປີແຫ່ງວັນເລືອກຕັ້ງທົ່ວປະເທດຄັ້ງທຳອິດ (6/1/1946 – 6/1/2016), ຕອນເຊົ້າວັນທີ 4/1, ນະຄອນ ໂຮ່ຈີມິນ ຈັດຕັ້ງການພົບປະສັງສັນກັບສະມາຊິກສະພາແຫ່ງຊາດ ຫວຽດນາມ ລຸ້ນຕ່າງໆ. ໃນຊຸມປີຜ່ານມາ, ປະກອບສ່ວນເຂົ້າໃນຜົນງານລວມຂອງສະພາແຫ່ງຊາດທົ່ວປະເທດ, ລ້ວນແຕ່ມີຄວາມສຸດຈິດສຸດໃຈຂອງສະມາຊິກສະພາແຫ່ງຊາດນະຄອນ ໂຮ່ຈີມິນລຸ້ນຕ່າງໆ. ແຕ່ຊຸດທີ 6 (ປີ 1976) ມາຮອດປະຈຸບັນ, ຄະນະສະມາຊິກສະພາແຫ່ງຊາດນະຄອນມີການບຸກທະລຸຫລາຍຢ່າງ, ວິທີການໃໝ່ໃນບັນດາຂົງເຂດເຄື່ອນໄຫວຂອງສະພາແຫ່ງຊາດຫລາຍຢ່າງ, ໄດ້ຮັບການຕີລາຄາສູງຈາກຜູ້ມີສິດເລືອກຕັ້ງ ແລະ ສະພາແຫ່ງຊາດ. ທ່ານ ຫງວຽນເຕີ໋ນເລີ້ບ, ສະມາຊິກສະພາແຫ່ງຊາດຊຸດທີ 6 ໃຫ້ຮູ້ວ່າ:
“ຂ້າພະເຈົ້າມີຄວາມປິຕິຊົມຊື່ນທີ່ສຸດ, ເມື່ອເຫັນວ່າປະເທດ ຫວຽດນາມ ໄດ້ມີການປ່ຽນແປງຫລາຍຢ່າງໃນ 40 ປີຜ່ານມາ. ປີ 1976 ປະເທດພວກເຮົາຍັງທຸກຍາກຫລາຍ. ປະຈຸບັນປະເທດຊາດໄດ້ດີກ່ວາຫລາຍແລ້ວ. ຂ້າພະເຈົ້າເຊື່ອໝັ້ນວ່າປະເທດເຮົາຈະນັບມື້ນັບພັດທະນາກ່ວາອີກ. ສິ່ງທີ່ຂ້າພະເຈົ້າມຸ່ງຫວັງທີ່ສຸດ ແມ່ນລຸ້ນໜຸ່ມຈະເສີມຂະຫຍາຍໄດ້ບັນດາຜົນງານເຊິ່ງມີຢູ່ແລ້ວ ແລະ ປະຕິບັດວຽກງານ ເພື່ອຊ່ວຍປະເທດຊາດນັບມື້ນັບພັດທະນາ”.