ພິທີສະເຫຼີມສະຫຼອງ 15 ປີ ແຫ່ງຂະບວນການຊາວໜຸ່ມອາສາສະໝັກ
(ພາບ: An Hiếu/TTXVN)
|
(vovworld) - ຕອນຄຳ່ວັນທີ 18/1, ຢູ່ນະຄອນໂຮ່ຈີມິນ, ສູນກາງຄະນະຊາວໜຸ່ມກອມມູນິດໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງ 15 ປີ ແຫ່ງຂະບວນການຊາວໜຸ່ມອາສາສະໝັກ. ກ່າວຄວາມເຫັນຢູ່ທີ່ນີ້, ທ່ານ ເລແທງຫາຍ, ກຳມະການກົມການເມືອງ, ເລຂາຄະນະພັກນະຄອນໂຮ່ຈີມິນ, ໄດ້ຍ້ອງຍໍບັນດາຜົນງານທີ່ ຂະບວນການຊາວໜຸ່ມອາສາສະໝັກຍາດມາໄດ້ໃນ 15 ປີຜ່ານມາ. ດ້ວຍຊາວໜຸ່ມນັບລ້ານຄົນໃນທົ່ວປະເທດເຂົ້າຮ່ວມ. ຂະບວນການຊາວໜຸ່ມອາສາສະໝັກນັບມື້ນັບໄດ້ຮັບການເປີດກວ້າງ, ດ້ວຍການເຄື່ອນໄຫວຫຼາຍຮູບຫຼາຍແບບ, ອຸດົມສົມບຸນ ແລະ ແທດຈິງ. ທ່ານ ເລແທງຫາຍ ເນັ້ນໜັກວ່າ, ໃນໄລຍະປະຈຸບັນ, ໜຶ່ງໃນບັນດາໜ້າທີ່ຮີບດ່ວນຂອງຄະນະຊາວໜຸ່ມ ແມ່ນເພີ່ມທະວີການສຶກສາດ້ານອຸດົມຄະຕິ, ຄຸນສົມບັດປະຕິວັດ, ແບບແຜນດຳລົງຊີວິດວັດທະນະທຳຂອງຊາວໜຸ່ມເຍົາວະຊົນ. ຍ້ອນເຫດນັ້ນ, ອົງການຊາວໜຸ່ມຕ້ອງພັດທະນາຂະບວນການຊາວໜຸ່ມອາສາສະໝັກເຖິງຊາວໜຸ່ມທຸກຊັ້ນໃນທຸກຂົງເຂດຢ່າງເລິກເຊິ່ງ, ກວ້າງຂວາງກວ່າອີກ.
ນະພິທີ, ສຸນກາງຄະນະຊາວໜຸ່ມກອມມູນິດໂຮ່ຈີມິນ ໄດ້ປຸກລະດົມບັ້ນແຂ່ງຂັນພິເສດ: “ໄວໜຸ່ມຫວຽດນາມ ກ້າວຂຶ້ນພາຍໃຕ້ທຸງພັກດ້ວຍຄວາມເອກອ້າງທະນົງໃຈ“, ຂຳ່ນັບຮັບຕ້ອນ 85 ປີ ແຫ່ງວັນສ້າງຕັ້ງພັກກອມມູນິດຫວຽດນາມ, 40 ປີ ແຫ່ງວັນປົດປ່ອຍພາກໃຕ້ໂຮມປະເທດຊາດເປັນເອກະພາບ, 70 ປີ ແຫ່ງວັນການປະຕິວັດເດືອນ 8… ໂອກາດນີ້, ຄະນະຈັດຕັ້ງໄດ້ມອບລາງວັນອາສາສະໝັກແຫ່ງຊາດປີ 2014 ໃຫ້ 11 ໝູ່ຄະນະ ແລະ 5 ຄົນທີ່ດີເດັ່ນ.