(vovworld) – ໃນຂອບເຂດການຢ້ຽມຢາມຫວຽດນາມ ຢ່າງເປັນທາງການ, ວັນທີ 07/10, ນາຍົກລັດຖະມົນຕີແຫ່ງ ສ.ວານົວຕູ ພ້ອມກັບພັນລະຍາໄດ້ໄປຮອດນະຄອນໂຮ່ຈິມິນ. ຕອນຄໍ່າວັນດຽວກັນ, ການນຳຄະນະກຳມະການປະຊາຊົນນະຄອນໄດ້ໃຫ້ການຕ້ອນຮັບ ແລະ ເປີດງານລ້ຽງຢູ່ຫໍປະຊຸມເອກະພາບ. ຢູ່ທີ່ນີ້, ທ່ານປະທານຄະນະກຳມະການປະຊາຊົນນະຄອນໂຮ່ຈິມິນ ເລຮ່ວາງກວນ ເຊື່ອໝັ້ນວ່າ, ພາຍຫຼັງການຢ້ຽມຢາມຂອງທ່ານນາຍົກລັດຖະມົນຕີ Joe Natuman, ການພົວພັນຮ່ວມມືລະຫວ່າງຫວຽດນາມ ແລະ ວານົວຕູ ຈະພັດທະນາຢ່າງແຮງ ແລະ ຈະຖືກຍົກຂຶ້ນສູ່ລະດັບສູງໃໝ່. ທ່ານນາຍົກລັດຖະມົນຕີ ວານົວຕູ Joe Natuman ປາດຖະໜາຢາກຊຸກຍູ້ການພົວພັນດ້ານການຄ້າ ແລະ ການລົງທຶນລະຫວ່າງ 2 ຝ່າຍກວ່າອີກ. ໃນໄລຍະຢູ່ຢ້ຽມຢາມນະຄອນໂຮ່ຈິມິນ ເປັນເວລາ 3 ວັນ, ທ່ານນາຍົກລັດຖະມົນຕີ Joe Natuman ໄປຢ້ຽມຢາມຫໍພິພິດຕະພັນຮ່ອງຮ້ອຍສົງຄາມ, ອຸມົງໃຕ້ດິນ ກູ້ຈີ, ເຂດອຸດສາຫະກຳເຕັກໂນໂລຊີສູງ ແລະ ຢ້ຽມຢາມຟາມປຸງແຕ່ງກຸ້ງຢູ່ ເກີນຍື່.