ນາຍົກລັດຖະມົນຕີ ຫງວຽນເຕິ໋ນຢຸງ: ຫວຽດນາມຈະປະຕິບັດບັນດາສັນຍາການຄ້າຢ່າງເຂັ້ມງວດ
ເວທີປາໄສວິສາຫະກິດຫວຽດນາມ ກາງສະໄໝປີ 2015
(ພາບ: TTX)
(vovworld) - ຍົກສູງກຳລັງແກ່ງແຍ່ງ ແມ່ນບັນຫາເຄັ່ງຮ້ອນສຳລັບບັນດາວິສາຫະກິດໃນປະຈຸບັນ ໃນຂະນະທີ່ຫວຽດນາມ ໄດ້ ແລະ ຈະລົງນາມໃນສັນຍາການຄ້າເສລີຫຼາຍສະບັບກັບບັນດາປະເທດ ແລະ ອົງການຕ່າງໆຢູ່ໂລກ. ນີ້ກໍ່ແມ່ນຫົວຂໍ້ຂອງເວທີປາໄສວິສາຫະກິດຫວຽດນາມ ກາງສະໄໝປີນີ້, ໂດຍກະຊວງແຜນການ ແລະ ການລົງທຶນ, ທະນາຄານໂລກ ແລະ ອົງການການເງິນສາກົນສົມທົບກັນຈັດຕັ້ງໃນວັນທີ 9/6, ຢູ່ຮ່າໂນ້ຍ. ກ່າວຄວາມເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນເຕິ໋ນຢຸງ ເນັ້ນໜັກວ່າ, ລັດຖະບານຫວຽດນາມ ຈະແກ້ໄຂຂໍ້ຈຳກັດ, ອ່ອນດ້ອຍ, ຕິດຂັດ, ຜັນຂະຫຍາຍບັນດາໜ້າທີ່, ມາດຕະການຢ່າງຄົບຊຸດ, ເພື່ອປັບປຸງສະພາບແວດລ້ອມແຫ່ງການດຳເນີນທຸລະກິດ, ຍົກສູງກຳລັງແກ່ງແຍ່ງຂອງພື້ນຖານເສດຖະກິດ. ຫວຽດນາມ ຈະເພີ່ມທະວີການບໍລິຫານ ຄຸ້ມຄອງເສດຖະກິດມະຫາພາກ, ປະຕິບັດມາດຕະການແກ້ໄຂຄົບຊຸດ ເພື່ອເພີ່ມລັກສະນະໝັ້ນຄົງຂອງພື້ນຖານເສດຖະກິດມະຫາພາກ, ຮັບປະກັນໄພເງິນເຟີ້ບໍ່ໄດ້ເກີນ 5% ບໍ່ພຽງແຕ່ໃນປີ 2015 ເທົ່ານັ້ນ, ຫາກໃນຊຸມປີຕໍ່ໆໄປອີກດ້ວຍ. ທ່ານນາຍົກລັດຖະມົນຕີຢືນຢັນວ່າ, ຫວຽດນາມ ຈະຊີ້ນຳ, ແກ້ໄຂຄວາມຫຍຸ້ງຍາກ, ຕິດຂັດທັງໝົດ, ສ້າງຄວາມສະດວກເພື່ອໃຫ້ປະຊາຄົມວິສາຫະກິດພາຍໃນປະເທດ, ຕ່າງປະເທດພັດທະນາເສດຖະກິດໃນ 3 ຂົງເຂດອຸດສາຫະກຳ, ກະສີກຳ ແລະ ການບໍລິການ, ສູ້ຊົນບັນລຸລະດັບເຕີບໂຕ GDP ປະມານ 6,2%. ຕິດພັນກັບການເຕີບໂຕ ແມ່ນຍູ້ແຮງການສ້າງໂຄງປະກອບພື້ນຖານເສດຖະກິດສັງລວມ, ໃນນັ້ນສຸມໃສ່ສ້າງໂຄງປະກອບລັດວິສາຫະກິດຄືນໃໝ່ໃຫ້ເຄື່ອນໄຫວຢ່າງມີປະສິດທິຜົນກວ່າ, ເພື່ອແກ່ງແຍ່ງກັບພາກສ່ວນເສດຖະກິດອື່ນ, ແລະ ຍູ້ແຮງວິວັດການຫັນວິສາຫະກິດເປັນຫຸ້ນສ່ວນ.