ທ່ານນາຍົກລັດຖະມົນຕີ ຫງວຽນເຕີ້ນຢຸງ ໄດ້ຕີລາຄາສູງບັນດາໝາກຜົນຮອບດ້ານຊຶ່ງອົງຄະນະພັກ, ອຳນາດການປົກຄອງ ແລະ ປະຊາຊົນບັນດາເຜົ່າແຂວງ ອຽນບ້າຍ ຍາດມາໄດ້.
(ພາບ: nguyentandung)
|
(vovworld)- ຕອນບ່າຍວັນທີ 19/9, ໃນການລົງປະຕິບັດງານຢູ່ບັນດາແຂວງ ເຂດພູດອຍພາກເໜືອ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ມີການເຮັດວຽກກັບບັນດາພະນັກງານຫຼັກແຫຼ່ງຂອງແຂວງ ອຽນບ້າຍ ກ່ຽວກັບສະພາບການເສດຖະກິດສັງຄົມຂອງທ້ອງຖິ່ນ.
ສະຫຼຸບການເຮັກວຽກ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໄດ້ຍ້ອງຍໍຊົມເຊີຍ ແລະ ຕີລາຄາສູງຄວາມມານະພະຍາຍາມ, ບັນດາໝາກຜົນຮອບດ້ານຊຶ່ງອົງຄະນະພັກ, ອຳນາດການປົກຄອງ ແລະ ປະຊາຊົນບັນດາເຜົ່າແຂວງ ອຽນບ້າຍ ຍາດມາໄດ້ໃນພາລະກິດສ້າງສາ ແລະ ພັດທະນາເສດຖະກິດສັງຄົມໃນໄລຍະທີ່ຜ່ານມາ. ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ສະເໜີແຂວງ ອຽນບ້າຍຄວນສືບຕໍ່ເສີມຂະຫຍາຍບັນດາໝາກຜົນທີ່ບັນລຸມາໄດ້, ສູ້ຊົນບັນລຸຈຸດໝາຍໜ້າທີ່ຂອງປີ 2014 ກໍຄືຂອງທັງອາຍຸການກອງປະຊຸມໃຫຍ່ອົງຄະນະພັກແຂວງ. ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ໃຫ້ການຊີ້ນຳແຂວງ ອຽນບ້າຍ ສືບຕໍ່ເອົາໃຈໃສ່ຊຸກຍູ້ການພັດທະນາບັນດາຂະແໜງການ, ຂົງເຂດອຸດສາຫະກຳຊຶ່ງໄດ້ຮັບຖືວ່າ ແມ່ນທ່າໄດ້ປຽບຂອງທ້ອງຖິ່ນ, ຕັ້ງໜ້າສົ່ງເສີມ, ດຶງດູດການລົງທຶນເຂົ້າໃນບັນດາຂົງເຂດທີ່ແຂວງຍັງມີທ່າແຮງຫຼາຍຢ່າງ. ພ້ອມກັນນັ້ນ, ທາງແຂວງຄວນສືບຕໍ່ປະຕິບັດບັນດາມາດຕະການພັດທະນາສາທາລະນະສຸກ, ວັດທະນະທຳ, ການສຶກສາ, ເອົາໃຈໃສ່ເຖິງການພັດທະນາຊັບພະຍາກອນມະນຸດ, ຕອບສະໜອງຄວາມຕ້ອງການໃນການພັດທະນາ.