(ທ່ານນາຍົກລັດຖະມົນຕີ ຫງວຽນເຕີ໋ນຢຸງ
ກ່າວຄຳເຫັນຊີ້ນຳກອງປະຊຸມ)
(vovworld) – ຕອນບ່າຍວັນທີ 04/01, ຢູ່ຮ່າໂນ້ຍ, ກະຊວງຄົມມະນາຄົມຂົນສົ່ງຈັດຕັ້ງກອງປະຊຸມໂດຍກົງທາງເຄືອຂ່າຍອິນເຕີແນັດຜັນຂະຫຍາຍໜ້າທີ່ປີ 2016. ກ່າວຄຳເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີ ຫງວຽນເຕີ໋ນຢຸງ ສະເໜີກະຊວງຄົມມະນາຄົມຂົນສົ່ງ, ຂະແໜງການຄົມມະນາຄົມຂົນສົ່ງຕ້ອງສືບຕໍ່ຍົກສູງຄວາມສາມາດ, ຜົນສັກສິດ, ປະສິດທິຜົນການຄຸ້ມຄອງແຫ່ງລັດຂອງຂະແໜງ ເພາະວ່າ ນີ້ແມ່ນປັດໃຈສຳຄັນ, ໃນນັ້ນ ກ່ອນອື່ນໝົດຄວນສຸມໃສ່ເຂົ້າໃນຂອດສຳຄັນນັ້ນ ແມ່ນສຸມໃສ່ສຳເລັດລະບອບນະໂຍບາຍ, ກົນໄກ, ນະໂຍບາຍ, ກົດໝາຍ ເພື່ອໃຫ້ການເຄື່ອນໄຫວຄົມມະນາຄົມຂົນສົ່ງ, ເຊື່ອມໂຍງເຂົ້າກັບພາກພື້ນ ແລະ ສາກົນໃຫ້ດີກ່ວາ, ມີປະສິດທິຜົນກ່ວາ. ທ່ານນາຍົກລັດຖະມົນຕີ ຫງວຽນເຕີ໋ນຢຸງ ໃສ່ໃຈວ່າ ຂະແໜງການຄວນສືບຕໍ່ຍູ້ແຮງການສ້າງໂຄງປະກອບລັດວິສາຫະກິດຄືນໃໝ່, ບັນດາຫົວໜ່ວຍວິຊາການຄືນໃໝ່ ທີ່ຂຶ້ນກັບຂອບຂະໜາດຄຸ້ມຄອງຂອງຂະແໜງ, ສຸມໃສ່ເຂົ້າການຫັນເປັນຫຸ້ນສ່ວນ ແລະ ຍົກສູງການຜະລິດດຳເນີນທຸລະກິດໃຫ້ມີປະສິດທິຜົນ; ສ້າງເງື່ອນໄຂສະດວກໃຫ້ແກ່ບັນດາວິສາຫະກິດພັດທະນາພາຍຫລັງຫັນເປັນຫຸ້ນສ່ວນ, ຮັບປະກັນການດູແລຊີວິດການເປັນຢູ່ວຽກເຮັດງານທຳ, ເພີ່ມລາຍຮັບໃຫ້ຜູ້ອອກແຮງງານ.