ທ່ານນາຍົກລັດຖະມົນຕີ ໄທ ປຣຸດ ຈັນໂອຊາ ແລະ ບັນດາສະມາຊິກຄະນະລັດຖະບານ (ພາບ: TheNation)

        ເມື່ອຕອບສຳພາດຕໍ່ນັກຂ່າວພາຍຫຼັງກອງປະຊຸມສະໄໝສາມັນຄະນະລັດຖະບານໃນວັນທີ 07 ມີນາ, ຢູ່ນະຄອນຫຼວງ ບາງກອກ, ທ່ານນາຍົກລັດຖະມົນຕີ ໄທ ປຣຸດ ຈັນໂອຊາ ໃຫ້ຮູ້ວ່າ, ທ່ານອາດຈະຖະແຫຼງຍຸບເລີກສະພາຕ່ຳ ພາຍຫຼັງກອງປະຊຸມຂອງລັດຖະບານໃນວັນທີ 14 ມີນາ ຈະມາເຖິງ. ທ່ານນາຍົກລັດຖະມົນຕີ ປຣຸດ ຈັນໂອຊາ ໃຫ້ຮູ້ວ່າ, ທ່ານໄດ້ປຶກສາຫາລື ແລະ ໄດ້ຮັບຄວາມເຫັນດີເຫັນພ້ອມຈາກການນຳບັນດາພັກການເມືອງຮ່ວມໃນສຳພັນທະມິດກຳອຳນາດກ່ຽວກັບເລື່ອງຍຸບເລີກສະພາຕ່ຳ. ເຖິງຢ່າງໃດກໍ່ຕາມ, ທ່ານປະຕິເສດລາຍລະອຽດກ່ຽວກັບແຜນຍຸບເລີກສະພາຕ່ຳ.

        ກ່ອນໜ້ານັ້ນ, ທ່ານນາຍົກລັດຖະມົນຕີ ປຣຸດ ຈັນໂອຊາ ໃຫ້ຮູ້ວ່າ, ທ່ານຈະຍຸບເລີກສະພາຕ່ຳໃນກາງເດືອງ ມີນາ ເພື່ອເປີດຊ່ອງທາງຈັດການເລືອກຕັ້ງທົ່ວປະເທດໃນວັນທີ 07 ພຶດສະພາ, ຖືກຕາມແຜນການໂດຍຄະນະກຳມະການເລືອກຕັ້ງ ໄທ ຍົກອອກມາ.