(ພາບ: thongtincongnghe.com)
(VOV)- ກອງປະຊຸມສຳມະນາເຕັກໂນໂລຊີ ແລະ ເນື້ອໃນ Digital ໄດ້ດຳເນີນໄປໃນວັນທີ 3/12 ຢູ່ຮ່າໂນ້ຍ. ດ້ວຍຫົວຂໍ້: “ການປະຕິວັດເຕັກໂນໂລຊີ ແລະ ການພັດທະນາຂອງອຸດສາຫະກຳນຳໃຊ້ເຕັກໂນໂລຊີເຕັກນິກ Digital ແລະ ເນື້ອໃນ Digital ຢູ່ຫວຽດນາມ“, ກອງປະຊຸມສຳມະນາສຸມໃສ່ 3 ຫົວເລື່ອງສະເພາະ: ການເຕົ້າໂຮມຂອງເຕັກໂນໂລຊີຂໍ້ມູນຂ່າວສານ, ອິນເຕີແນັດ, ໂທລະຄົມມະນາຄົມເຄື່ອນທີ່, ແລະ ອຸດສາຫະກຳເນື້ອໃນ Digital, ຫັນເປັນໂທລະຄົມ Digital, ນຳໃຊ້ການດຳເນີນທຸລະກິດຜ່ານເຄືອຂ່າຍອິນເຕີແນັດ ແລະ ໂທລະຄົມມະນາຄົມເຄື່ອນທີ່. ທ່ານເລຢ້ວານເຫີບ, ປະທານສະມາຄົມໂທລະຄົມ Digital ຫວຽດນາມ ໃຫ້ຮູ້ວ່າ:
“ຫວຽດນາມ ໄດ້ກຳນົດທິດບັນດາເນື້ອໃນຕ້ອງປະຕິບັດໃນໄລຍະແຕ່ນີ້ຮອດປີ 2020 ດ້ວຍ 3 ຍຸດທະສາດໃຫ່ຍ. ທີໜຶ່ງແມ່ນເຜີຍແຜ່ຂໍ້ມູນຂ່າວສານລົງສູ່ຮາກຖານ. ນຳຫວຽດນາມ ກາຍເປັນປະເທດເຂັ້ມແຂງດ້ານເຕັກໂນໂລຊີຂໍ້ມູນຂ່າວສານ ແລະ ສື່ສານປີ 2020. ທີສາມແມ່ນຫວຽດນາມ ມີເສັ້ນທາງຫັນເປັນ Digital ໃນຂອບເຂດທົ່ວປະເທດໃນປີ 2020. 3 ບັນຫານີ້ແມ່ນ 3 ເສົາຄ້ຳສຳຄັນທີ່ສຸດຂອງຜູ້ເຮັດວຽກງານເຕັກໂນໂລຊີຂໍ້ມູນຂ່າວສານ. ພວກເຮົາຕ້ອງຂຸດຄົ້ນບັນດາທ່າໄດ້ປຽບຈາກພາຍໃນຕິດພັນກັບບັນດາບົດຮຽນຈາກພາຍນອກຂອງໂລກ. ຕັ້ງໜ້າຫັນເປັນວຽກງານຂອງສັງຄົມ, ລະດົມກຳລັງແຮງສັງລວມຂອງທົ່ວປະເທດເພື່ອປະຕິບັດຊື່ງໃນນັ້ນມີການຫັນວຽກງານພັດທະນາພື້ນຖານໂຄງລ່າງ ແລະ ການຜະລິດເນື້ອໃນເປັນວຽກງານຂອງສັງຄົມ“.