ບັນດາການເຄື່ອນໄຫວມຸ່ງໄປສູ່ວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ
ພິທີປ່ອຍໂຄມໄຟລົງແມ່ນ້ຳແທກຮ່ານສະແດງຄວາມຮູ້ບຸນຄຸນຕໍ່ບັນດານັກວິລະຊົນທີ່ໄດ້ເສຍສະຫຼະຊີວິດເພື່ອຊາດ |
(vovworld)- ລາຍການສະແດງສິລະປະ “ດິນແດນສັກສິດ” ແນໃສ່ເຊີດຊູ ແລະ ສະແດງຄວາມຮູ້ບຸນຄຸນຕໍ່ບັນດານັກວິລະຊົນທີ່ໄດ້ເສຍສະຫຼະຊີວິດເພື່ອຊາດ, ແມ່ຫວຽດນາມວິລະຊົນ, ຜູ້ທີ່ມີຄຸນງາມຄວາມດີຕໍ່ການປະຕິວັດ ເນື່ອງໃນໂອກາດສະເຫຼີມສະຫຼອງ 68 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ ຊຶ່ງຖືກຈັດຂຶ້ນໃນຕອນຄ່ຳວັນທີ 18/7 ຢູ່ກຳແພງເກົ່າ ກວາງຈິ . ກ່າວຄຳເຫັນຢູ່ທີ່ນີ້, ທ່ານດິງເທ້ຮິງ ຫົວໜ້າຄະນະໂຄສະນາສຶກສາສູນກາງ ເນັ້ນໜັກວ່າ :
“ພໍ່ແມ່ພີນ້ອງ ແລະ ນັກຮົບສືບຕໍ່ເສີມຂະຫຍາຍຫຼັກສິນທຳ ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳຂອງຊາດ, ດ້ວຍນ້ຳໃຈ ແລະ ການກະທຳທີ່ແທດຈິງ, ຕັ້ງໜ້າເຂົ້າຮ່ວມ ແລະ ປະຕິບັດວຽກງານເບິ່ງແຍງ ທະຫານເສຍອົງຄະ, ທະຫານເຈັບປ່ວຍ ແລະ ຄອບຄົວນັກຮົບເສຍສະຫຼະຊີວິດເພື່ອຊາດ, ຜູ້ທີ່ມີຄຸນງາມຄວາມດີຕໍ່ປະເທດຊາດ. ພັກ, ລັດ ແລະ ປະຊາຊົນຫວຽດນາມ ມີຄວາມຮູ້ບຸນຄຸນຕໍ່ ບັນດານັກວິລະຊົນທີ່ໄດ້ເສຍສະຫຼະຊີວິດເພື່ອຊາດ, ແມ່ຫວຽດນາມວິລະຊົນ, ຜູ້ທີ່ມີຄຸນງາມຄວາມດີຕໍ່ປະເທດຊາດ ທີ່ໄດ້ອຸທິດສ່ວນເພື່ອພາລະກິດປົດປ່ອຍຊາດ, ສ້າງສາ ແລະ ປົກປັກຮັກສາປະເທດຫວຽດນາມສັງຄົມນິຍົມ ”