(ພາບ: baodientu.chinhphu.vn)
(vovworld)- ເນື່ອງໃນໂອກາດສະເຫຼີມສະຫຼອງ 83 ປີແຫ່ງວັນສ້າງຕັ້ງພັກກອມມູນິດຫວຽດນາມ ແລະ ຕ້ອນຮັບບຸນປີໃໝ່ປະຈຳຊາດ, ປີມະເສງ 2013, ວັນທີ 3/2, ແຂວງກວາງງາຍ ແລະ ກອນຕູມ ໄດ້ພ້ອມກັນເປີດງານບຸນໜັງສືພິມລະດູບານໃໝ່ ປີມະເສງ 2013 ຊື່ງມີການເຂົ້າຮ່ວມຂອງເກືອບ 300 ສິ່ງພິມສະບັບປີໃໝ່ຂອງບັນດາອົງການສື່ມວນຊົນສູນກາງ ແລະ ບັນດາແຂວງ, ນະຄອນໃນທົ່ວປະເທດ. ສ່ວນຢູ່ນະຄອນເກີນເທີ ພວມຈັດ “ງານວາງສະແດງຕົ້ນໄມ້ປະດັບສິລະປະລະດູບານໃໝ່ ປີມະເສງ 2013“. ທ່ານຮິງວັນງວຽດ (Huynh Van Nguyet) ແຂກເຂົ້າຮ່ວມງານວາງສະແດງໃຫ້ຂໍ້ສັງເກດວ່າ:
“ງານວາງສະແດງນີ້ມີຈຸດພິເສດສະເພາະ ນັ້ນແມ່ນຕົ້ນໄມ້ປະດັບເກືອບທັງໝົດແມ່ນຕົ້ນໄມ້ປະດັບແບບມູນເຊື້ອຂອງພາກໃຕ້ຫວຽດນາມ. ພິເສດ, ມີຕົ້ນໄມ້ປ່າມີຮູບຮ່າງແປກປະຫຼາດແບບທຳມະຊາດ, ນັບທັງໄດ້ຮັບການປະດັບປະດາຈາກບັນດານາຍຊ່າງມີສີມືດີ ເຮັດໃຫ້ມັນມີຈຸດພິເສດສະເພາະກ່ວາອີກ“
ວັນທີ 3/2, ຢູ່ນະຄອນກອນຕູມ, ຄະນະຊາວໜຸ່ມກອມມູນິດໂຮ່ຈິມິນ ແຂວງກອນຕູມ ໄດ້ຈັດວັນບຸນ “ເຂົ້າຕົ້ມຂຽວ-ຄວາມອົບອຸ່ນໃນບຸນເຕັດ“ ປີ 2013. ບັນດາສະມາຊິກໃນຄະນະຊາວໜຸ່ມແຂວງໄດ້ມອບເຂົ້າຕົ້ມກ່ວາ 350 ຫໍ່ພ້ອມກັບຂອງຂວັນ 30 ພູດໃຫ້ແກ່ບັນດາຊາວໜຸ່ມ, ເຍົາວະຊົນ, ນັກຮຽນ, ຄົນເຈັບທຸກຍາກ. ເອື້ອຍຟານທິຖູຍ (Phan Thị Thủy) ຮອງເລຂາຄະນະຊາວໜຸ່ມແຂວງ, ຫົວໜ້າຄະນະຈັດຕັ້ງວັນບຸນໃຫ້ຮູ້ວ່າ:
“ພວກນ້ອງໄດ້ສະແດງໃຫ້ເຫັນອາລົມຈິດຄວາມຮັກແຮງຕໍ່ບັນດາຜູ້ທຸກຍາກກ່ວາຕົນ. ພວກຂ້າພະເຈົ້າຖືວ່າ ພວກນ້ອງໄດ້ມີສະຕິຄວາມຮັບຮູ້ກ່ຽວກັບຄວາມໝາຍຂອງລາຍການແລ້ວ ແລະ ພວກນ້ອງໄດ້ມອບເຂົ້າຕົ້ມໃຫ້ບັນດາຜູ້ທຸກຍາກດ້ວຍຕົນເອງ“
ເອົາໃຈໃສ່ກະກຽມບຸນເຕັດໃຫ້ຜູ້ທຸກຍາກ
(ພາບ: sggp.org.vn)
ໃນວັນດຽວກັນ, ຢູ່ນະຄອນໂຮ່ຈິມິນ, ທະນາຄານການຄ້າຫຸ້ນສ່ວນໄຊງອນເທືອງຕິນ ໄດ້ຈັດວັນບຸນກຸສົນລະດູບານໃໝ່ ປີມະເສງ 2013 ໃຫ້ຜູ້ອາຍຸສູງທີ່ຢູ່ໂດດດ່ຽວ ແລະ ເດັກກຳພ້າ, ເດັກພິການກ່ວາ 6000 ຄົນ ດ້ວຍຈຳນວນເງິນກ່ວາ 4,5 ຕື້ດົ່ງ. ຢູ່ນະຄອນດ່ານັງ ໄດ້ຈັດບັນດາການເຄື່ອນໄຫວຂ່ຳນັບຮັບຕ້ອນ 83 ປີແຫ່ງວັນສ້າງຕັ້ງພັກກອມມູນິດຫວຽດນາມ ສ່ວນຢູ່ແຂວງບາກລຽວ ໄດ້ຈັດພິທີເປີດສະຫລອງແຜ່ນສີລາຈາລຶກເຫດການແຂວນຄັນທຸງພັກເປັນຄັ້ງທຳອິດຢູ່ແຂວງບາກລຽວ ນີ້ແມ່ນເຫດການທີ່ໄດ້ສ້າງຊື່ສຽງກ້ອງກັງວານໃນ 83 ປີກ່ອນ, ປຸກລຸກນ້ຳໃຈຮັກຊາດ, ເພື່ອຊາດຂອງປະຊາຊົນເພື່ອລຸກຮຶ້ນຂຶ້ນຂັບໄຫ່ລພວກລ່າເມືອງຂຶ້ນຜູ້ຮຸກຮານ.