( vovworld.vn ) ວັນທີ 6 ກຸມພາ, ລັດເຊຍ ອອກສຽງຄັດຄ້ານຕໍ່ທ່າທີຂອງບັນດາປະເທດຝ່າຍຕາເວັນຕົກກ່ຽວກັບຂ້ໍຕົກລົງຂອງ ລັດເຊຍ ທີ່ຢັບຢັ້ງຮ່າງມະຕິຂອງສະຫະປະຊາຊາດກ່ຽວກັບຊີຣີ. ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ຊີ້ແຈງບັນດາຄຳວິຈານເຊິ່ງຝ່າຍຕາເວັນຕົກໄດ້ຍົກອອກມາທີ່ກ່ຽວຂ້ອງເຖິງການລົງຄະແນນສຽງຢູ່ສະພາຄວາມໝັ້ນຄົງສະຫະປະຊາຊາດຕໍ່ຮ່າງມະຕິກ່ຽວກັບ ຊີຣີ ແມ່ນຍາບຄາຍ ແລະ “ ມີລັດສະນະກະຕຸກຊຸກຍູ້ ”. ທ່ານ Lavrov ໄດ້ຢືນຢັນຫຼັກໝັ້ນຂອງ ລັດເຊຍ ຄືນໃໝ່ວ່າ ເລື່ອງຖິ້ມໂທດໃຊ້ຄວາມຮຸນແຮງຢູ່ ຊີຣີ ໃຫ້ແກ່ອຳນາດການປົກຄອງຂອງທ່ານປະທານາທິບໍດີ Bashar Assad ແມ່ນຜິດພາດ, ພ້ອມກັນນັ້ນກໍ່ຖະແຫຼງວ່າຮ່າງມະຕິຄວນເຕື້ອງເຖິງຝ່າຍຄ້ານອີກດ້ວຍ.
ໃນຄະນະນັ້ນ, ຟລັ່ງ ແລະ ເຢຍລະມັນ ຖະແຫຼງປະສິເສດການຍົກເລີດຮ່າງມະຕິກ່ຽວກັບ ຊີຣີ. ທ່ານປະທານາທິບໍດີ ຟລັ່ງ Nicolas Sarkozy ໃຫ້ຮູ້ວ່າ ທ່ານຈະກະຕຸກຊຸກຍູ້ທ່ານປະທານາທິບໍດີ ລັດເຊຍ Dmitry Medvedev ປຶກສາຫາລືກ່ຽວກັບປະຕິກະລິຍາຂອງປະຊາຄົມໂລກສຳລັບບັນຫາ ຊີຣີ. ທ່ານນາງນາຍົກລັດຖະມົນຕີ ເຢຍລະມັນ Angela Merkel ຍອມຮັບວ່າ ເຢຍລະມັນ ບໍ່ພຽງແຕ່ຜິດຫວັງເທົ່ານັ້ນ ຫາກຍັງມີຄວາມວິຕົກກັງວົນເພາະຮ່າງມະຕິບໍ່ໄດ້ຮັບການອະນຸມັດຜ່ານ. ທ່ານເອກອັກຄະລັດຖະທູດ ອາເມລິກາ ປະຈຳ ສະຫະປະຊາຊາດ Susan Rice ໃຫ້ຮູ້ວ່າ ໝາກຜົນຂອງການປ່ອນບັດມີໄພທີ່ຈະທຳລາຍບັນດາຄວາມມານະພະຍາຍາມແກ້ໄຂວິກິດການຢູ່ ຊີຣີ ດ້ວຍສັນຕິວິທີ. ອັງກິດໄດ້ຖະແຫຼງວ່າ ຈະຊອກຫາບັນດາມາດຕະການໃໝ່ເພື່ອກໍ່ກຳລັງດັນຕໍ່ ຊີຣີ, ພ້ອມກັນນັ້ນກໍ່ຮຽກຮ້ອງໃຫ້ ລັດຊຍ ແລະ ຈີນ ພິຈາລະນາຂໍ້ຕົກລົງຂອງຕົນຄືນໃໝ່.