ພາຍຫຼັງລະດັບນໍ້າຫຼຸດລົງ, ແຕ່ປັດຈຸບັນຍັງມີເຮືອນນັບພັນໆຫຼັງຍັງຖືກນ້ຳຖ້ວມ, ເນື້ອທີ່ທັນຍາຫານ, ຜັກພືດນັບສິບໆພັນເຮັກຕາຖືກທຳລາຍ ແລະ ສັດລ້ຽງຖືກຜົນເສຍຫາຍຢ່າງໃຫຍ່ຫຼວງ.

        ແຂວງກວ໋າງບິ່ງ ໄດ້ລະດົມທຸກແຫຼ່ງກຳລັງ, ກໍ່ສ້າງທັງເວັນ ແລະ ຄືນ ເພື່ອແກ້ໄຂບັນດາສະຖານທີ່ຖືກດິນເຊາະເຈື່ອນ, ໂດຍສະເພາະແມ່ນຢູ່ເຂດທາງຫຼວງແຫ່ງຊາດ ແລະ ຫຼາຍຕາແສງໃນບໍລິເວນແຂວງ ຍັງສືບຕໍ່ຖືກຕັດຂາດກັບໂລກພາຍນອກ.

ປະຊາຊົນເຂດພາກກາງພວມແກ້ໄຂຜົນຮ້າຍຢ້ອນຫຼັງຈາກໄພນ້ຳຖ້ວມ (ພາບ: plo.vn)

 ຢູ່ແຂວງກວ໋າງຈິ, ຢູ່ຫຼາຍບ່ອນມີຝົກຕົກໜັກຄືນອີກ ອັນໄດ້ກໍ່ຄວາມຫຍຸ້ງຍາກແກ່ການສຳຜັດກັບບັນດາເຂດທີ່ຍັງຖືກຕັດແຍກຍ້ອນຝົນຕົກນ້ຳຖ້ວມ.

        ຝົນຕົກໜັກ ກໍເຮັດໃຫ້ການຊອກຫາຜູ້ທີ່ຖືກຫາຍສາບສູນຢູ່ເຄື່ອນໄຟຟ້ານ້ຳຕົກ ຣ່າວຈັງ 3 ແຂວງເທື່ອທຽນເຫວ້ ຕ້ອງຢຸດຕິເປັນການຊົ່ວຄາວນັບແຕ່ຕອນບ່າຍວັນທີ 25 ຕຸລາ.

        ສິ່ງທີ່ໜ້າສົນໃຈນັ້ນແມ່ນ, ໃນຊຸມວັນຈະມາເຖິງ, ຫຼາຍແຂວງຢູ່ຂດພາກກາງ ແລະ ເຂດໄຕງວຽນເໜືອ ຈະສືບຕໍ່ຖືກຜົນກະທົບຈາກພາຍຸ Molave, ເຊິ່ງໄດ້ຮັບຖືວ່າແມ່ນພາຍຸຫົວແຮງທີ່ສຸດນັບແຕ່ຕົ້ນປີມາຮອດປັດຈຸບັນ. ພາຍຸ ອາດຈະກໍ່ໃຫ້ເກີດກຳລັງລົມແຮງເຖິງລະດັບ 13 – 14  ແລະ ລະດັບ 16 – 17 ຢູ່ທະເລຕາເວັນອອກ. ດ້ວຍລະດັບແຮງລົມນີ້ ສາມາດພັດຖະຫຼົ່ມກ່ຳປັ່ນທະເລຈົມນ້ຳໄດ້. ເພື່ອເປັນເຈົ້າການໃນການຮັບມືກັບ ພາຍຸ Molave, ຫ້ອງວ່າການປະຈຳຄະນະຊີ້ນຳສູນກາງ ກ່ຽວກັບການປ້ອງກັນ, ສະກັດກັ້ນໄພທຳມະຊາດ ໄດ້ສະເໜີໃຫ້ບັນດາແຂວງ, ນະຄອນຢູ່ແຄມທະເລ ຈາກ ເທື່ອທຽນເຫວ້ ໄປຍັງ ນິງທ້ວນ ຈົ່ງຕິດຕາມຂໍ້ມູນຂ່າວກ່ຽວກັບພາຍຸດັ່ງກ່າວເປັນປະຈຳ ແລະ ປະຕິບັດການຮັບປະກັນຄວາມປອດໄພໃຫ້ແກ່ກ່ຳປັ່ນ; ມີວິທີການປ້ອງກັນການປູກລ້ຽງສິນໃນນ້ຳ; ກຽມພ້ອມຈັດສົ່ງກຳລັງປ້ອງກັນຊັບສິນ ແລະ ຊ່ວຍເຫຼືອປະຊາຊົນເຄື່ອນຍ້າຍໄປເຂດທີ່ປອດໄພລີ້ໄພ.