ປີ 2015, ລັດຖະບານ ສຸມໃສ່ໜູນຊ່ວຍບັນດາເຂດຊົນເຜົ່າທີ່ປະສົບກັບຄວາມຫຍຸ້ງຍາກ
(ທ່ານຮອງນາຍົກລັດຖະມົນຕີ ຫວູດຶກດາມ)
(vovworld) – ທ່ານຮອງນາຍົກລັດຖະມົນຕີ ຫວູດຶກດາມ, ຫົວໜ້າຄະນະຊີ້ນຳສູນກາງ ປະຕິບັດມະຕິຂອງລັດຖະບານກ່ຽວກັບນະໂຍບາຍສັງຄົມ, ຫາກໍ່ມີເອກະສານສະເໜີໃຫ້ທຸກຂັ້ນ, ທຸກຂະແໜງການໃນປີ 2015 ຕ້ອງປ່ຽນໃໝ່ທິດທາງປະຕິບັດບັນດານະໂຍບາຍສັງຄົມ ຕາມທິດໃຫ້ບຸລິມະສິດສຸມໃສ່ແຫຼ່ງຊັບພະຍາກອນມະນຸດ ປະຕິບັດນະໂຍບາຍສັງຄົມຢູ່ເຂດປະສົບຄວາມຄວາມຫຍຸ້ງຍາກ ແລະ ທຸກຍາກທີ່ສຸດ, ໃນນັ້ນມີປະຊາຊົນເຂດຊົນເຜົ່າສ່ວນໜ້ອຍທີ່ປະສົບກັບຄວາມທຸກຍາກຢູ່ເຂດພູດອຍ, ເຂດຊາຍແດນ, ເຂດໝູ່ເກາະ. ທ່ານຮອງນາຍົກລັດຖະມົນຕີກໍ່ຮຽກຮ້ອງສືບຕໍ່ປະຕິບັດສຳເລັດນະໂຍບາຍໜູນຊ່ວຍກ່ຽວກັບວັດຖຸ ແລະ ຈິດໃຈທີ່ເໝາະສົມໃຫ້ຜູ້ມີຄຸນງາມຄວາມດີຕໍ່ການປະຕິວັດ, ເສີມຂະຫຍາຍິນທຳທີ່ວ່າ; ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳຂອງຊາດ, ຮັບປະກັນຄວາມປ່ອງດອງຊາດໃນການຈັດຕັ້ງຜັນຂະຫຍາຍ.