(vovworld) - ພິທີປຸກລະດົມ “ສັບປະດາຕອບສະໜອງການຮໍ່າຮຽນຕະຫຼອດຊີວິດ” (ໃນລະຫວ່າງວັນທີ 1 – 7/10) ດ້ວຍຫົວຂໍ້ “ຮໍ່າຮຽນເພື່ອກາຍເປັນພົນລະເມືອງດີ” ຖືກດຳເນີນໄປໃນຕອນເຊົ້າວັນທີ 1/10 ຢູ່ນະຄອນໂຮ່ຈິມິນ. ສັບປະດາເພື່ອແນໃສ່ຍົກສູງສະຕິຮັບຮູ້ໃຫ້ທຸກຄົນກ່ຽວກັບການຮໍ່າຮຽນຕະຫຼອດຊີວິດ ແລະ ສ້າງສັງຄົມຮໍ່າຮຽນ, ເພື່ອຫັນປ່ຽນສະຕິຮັບຮູ້ຂອງບັນດາຂັ້ນຄຸ້ມຄອງ ແນໃສ່ລົບລ້າງຮົ້ວກີດຂວາງເພີ່ມທະວີໂອກາດຮໍ່າຮຽນຕະຫຼອດຊີວິດໃນໝູ່ມະຫາຊົນ. ບັນດາການເຄື່ອນໄຫວຕົ້ນຕໍ່ໃນສັບປະດາແມ່ນ ຈັດຕັ້ງພິທີປຸກລະດົມ, ງານວາງສະແດງຮູບທ່ານປະທານໂຮ່ຈິມິນ ກັບການຮໍ່າຮຽນ, ໂຄສະນາຢູ່ບັນດາບໍລິເວນເຂດຊຸມຊົນ, ຈັດຕັ້ງການປຶກສາຫາລື, ຢ້ຽມຢາມບັນດາຮາກຖານຮໍ່າຮຽນ, ສູນສຶກສາ, ທະວີຄຸນບັນດາໝູ່ຄະນະ ແລະ ສ່ວນບຸກຄົນທຸກຍາກແຕ່ຮຽນເກັ່ງ, ຍ້ອງຍໍຄອບຄົວມັກຮຽນ… ທີ່ພິທີປຸກລົດົມ, ມີບັນດາແບບຢ່າງທີ່ດີເດັ່ນຂອງນະຄອນໂຮ່ຈິມິນ ໄດ້ລາຍງານບົດຮຽນໃນການຮໍ່າຮຽນ, ບັນດາຮູບແບບທີ່ດີເພື່ອໃຫ້ທຸກຄົມຮໍ່າຮຽນຕາມ.