ປຸກລະດົມການເຄື່ອນໄຫວຕ່າງໆມຸ່ງໄປເຖິງການສະເຫຼີມສະຫຼອງ60ປີແຫ່ງວັນໄຊຊະນະດ້ຽນບຽນຝູ
ອະນຸສາວາລີໄຊຊະນະ ດ້ຽນບຽນຝູ
(ພາບ: Việt Cường)
(vovworld) – ຕອນເຊົ້າວັນທີ 1/3, ທີ່ນະຄອນ ດ່າໜັງ, ພົນລະພາກຫຼວງ 11 (ກະຊວງປ້ອງກັນປະເທດ) ໄດ້ປຸກລະດົມບັ້ນແຂ່ງຂັນ “ສືບທອດນັກຮົບ ດ້ຽນບຽນ”, 90 ວັນ ແລະ ຄືນມຸ່ງໄປເຖິງການສະເຫຼີມສະຫຼອງ 60 ປີແຫ່ງວັນໄຊຊະນະ ດ້ຽນບຽນຝູ. ທ່ານພັນເອກ ເຈີ່ນກວາງຈູງ, ກຳມະການການເມືອງພົນລະພາກຫຼວງ 11, ໃຫ້ຮູ້ວ່າ:
“ທີ່ໜຶ່ງແມ່ນສຸມໃສ່ສຶກສາພະນັກງານນັກຮົບ, ກຳມະກອນ ແລະ ຜູ້ອອກແຮງງານ ມີເຈດຈຳນົງຕັດສິນໃຈສ້າງບັນດາອົງການພັກຂັ້ນຮາກຖານໃຫ້ປອດໃສ, ໝັ້ນຄົງ, ເຂັ້ມແຂງ, ສຶກສາມູນເຊື້ອ ແລະ ສືບທອດມູນເຊື້ອຂອງລຸ້ນພໍ່ລຸ້ນອ້າຍໃນບັ້ນຮົບ ດ້ຽນບຽນຝູ. ທີ 2 ແມ່ນ, ພວກຂ້າພະເຈົ້າສຸມໃສ່ປະຕິບັດໜ້າທີ່ການເມືອງໃຫ້ບັນລຸໝາກຜົນສູງສຸດ. ທີ 3 ແມ່ນປະຕິບັດກົດໝາຍຢ່າງເຂັ້ມງວດ, ສຸມໃສ່ສ້າງແບບແຜນ, ກອງທັບຫຼວງຝຶກຝົນຫຼໍ່ຫຼອມລະບຽບວິໄນ”
ກ່ອນໜ້ານັ້ນ, ໃນຕອນຄຳ່ວັນທີ 28/2, ຢູ່ແຂວງ ກວາງບີ່ງ, ເຊິ່ງແມ່ນບ້ານເກີດເມືອງນອນຂອງພົນເອກ ຫວໍງວຽນຢາບ, ຄະນະຊາວໜຸ່ມແຂວງ ໄດ້ຈັດຕັ້ງການພົບປະແລກປ່ຽນໂອ້ລົມມູນເຊື້ອດ້ວຍຫົວຂໍ້ວ່າ ໄວໜຸ່ມ ກວາງບີ່ງ ຮຳ່ຮຽນ ແລະ ເຮັດຕາມແບບຢ່າງຄຸນສົມບັດຂອງພົນເອກ ຫວໍງວຽນຢາບ.