ປັບປຸງ ແລະ ເພີ່ມທະວີ ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ຈີນ
ທ່ານ ຈີຈຽນກົວ ຮອງປະທານສະມາຄົມມິດຕະພາບຈີນ - ຫວຽດນາມ
(ພາບປະກອບ: vtc.vn)
(vovworld) - ເມື່ອຕອບສຳພາດຕໍ່ສື່ມວນຊົນຫວຽດນາມ ກ່ອນທີ່ເດີນທາງໄປຢ້ຽມຢາມຈີນຢ່າງເປັນທາງການໃນລະຫວ່າງວັນທີ 7-10/4 ຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ, ຕາມຄຳເຊີນຂອງທ່ານເລຂາທິການໃຫຍ່, ປະທານປະເທດຈີນ ສືຈິນຜິງ. ທ່ານ ຈີຈຽນກົວ ຮອງປະທານສະມາຄົມມິດຕະພາບຈີນ - ຫວຽດນາມ, ອະດີດເອກອັກຄະລັດຖະທູດຈີນປະຈຳຫວຽດນາມ, ຖືວ່າ: ການຢ້ຽມຢາມດຳເນີນໄປກົງກັບໂອກາດສະເຫຼີມສະຫຼອງ 65 ປີ ແຫ່ງວັນສ້າງຕັ້ງການພົວພັນທາງການທູດຈີນ - ຫວຽດນາມ ທີ່ມີຄວາມໝາຍສຳຄັນທີ່ສຸດ. ປະເອີບໃຈຕໍ່ການພົວພັນລະຫວ່າງຈີນ - ຫວຽດນາມ, ທ່ານຖືວ່າ, ເຖິງວ່າບົນເສັ້ນທາງແຫ່ງການພັດທະນາໃນໄລຍະຈະມາເຖິງ, ສອງປະເທດອາດຈະເກີດບັນຫາໃດໜຶ່ງກໍ່ຕາມ, ແຕ່ສອງຝ່າຍພຽງແຕ່ຖືເປັນສຳຄັນການພົວພັນລະຫວ່າງສອງປະເທດ, ແກ້ໄຂບັນຫາທີ່ຍັງຄົງຄ້າງຢ່າງສົມເຫດສົມຜົນ, ການພົວພັນລະຫວ່າງຫວຽດນາມ - ຈີນ ຈະນັບມື້ນັບພັດທະນາຢ່າງຈົບງາມ. ທ່ານຮອງປະທານສະມາຄົມມິດຕະພາບຈີນ - ຫວຽດນາມ ເນັ້ນໜັກວ່າ, ເພື່ອປັບປຸງ ແລະ ເພີ່ມທະວີການພົວພັນຄູ່ຮ່ວມມື, ຮ່ວມມືຍຸດທະສາດຮອບດ້ານຈີນ - ຫວຽດນາມ, ສອງປະເທດຄວນຊາບຊືມການປະຕິບັດ “ທິດນຳເປັນບ້ານໃກ້ເຮືອນຄຽງມິດຕະພາບ, ຮ່ວມມືຮ້ອບດ້ານ, ສະຖຽນລະພາບຍາວນານ, ມຸ່ງໄປສູ່ອະນາຄົດ“ ແລະ “ຈິດໃຈ 4 ດີເຊັ່ນ: ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ“ ຢ່າງຄົບຖ້ວນ, ຊຸກຍູ້ການຮ່ວມມືຢ່າງແທດຈິງໃນຫຼາຍຂົງເຂດເຊັ່ນ: ການເມືອງ, ເສດຖະກິດ - ການຄ້າ, ວັດທະນະທຳ, ການສຶກສາ, ວິທະຍາສາດເຕັກນິກ, ການປ້ອງກັນຊາດ - ປ້ອງກັນຄວາມສະຫງົບ… ນຳການພົວພັນຈີນ - ຫວຽດນາມ ພັດທະນາຂຶ້ນສູ່ລະດັບສູງໃໝ່. ພ້ອມກັນນັ້ນ, ສອງປະເທດຄວນມານະພະຍາຍາມສ້າງພື້ນຖານແຫ່ງຄວາມມິດຕະພາບຈີນ - ຫວຽດນາມໃຫ້ແກ່ປະຊາຊົນສອງປະເທດ.