ປະກອບຄຳເຫັນໃສ່ຮ່າງ ກົດໝາຍວ່າດ້ວຍການ ຈັດຕັ້ງອຳນາດການ ປົກຄອງທ້ອງຖີ່ນ
ກອງປະຊຸມໄດ້ຈັດຕັ້ງຢູ່ນະຄອນ ໂຮ່ຈີມິນ
(vovworld) – ໂດຍປະຕິບັດໂຄງການສ້າງກົດໝາຍ, ລັດຖະບັນຍັດ ປີ 2014, ຕອນເຊົ້າວັນທີ 30/6, ຢູ່ນະຄອນ ໂຮ່ຈີມິນ, ກະຊວງພາຍໃນໄດ້ຈັດກອງປະຊຸມສຳມະນາປະກອບຄຳເຫັນໃສ່ຮ່າງກົດໝາຍວ່າດ້ວຍການຈັດຕັ້ງອຳນາດການປົກຄອງທ້ອງຖີ່ນ. ຜູ້ແທນເກືອບ 100 ທ່ານຂອງ 22 ແຂວງ, ນະຄອນພາກໃຕ້ໄດ້ເຂົ້າຮ່ວມກອງປະຊຸມ. ບັນດາຜູ້ແທນໄດ້ສຸມໃສ່ປຶກສາຫາລືກ່ຽວກັບການກຳນົດຫົວໜ່ວຍບໍລິຫານ, ຊື່ເອີ້ນຂອງ “ນະຄອນ” ສຳລັບຫົວໜ່ວຍບໍລິຫານທຽບເທົ່ານະຄອນຂຶ້ນກັບສູນກາງ. ມີຫຼາຍຄຳເຫັນໄດ້ສະເໜີເຮັດແຈ້ງບັນດາຫຼັກການ, ມາດຖານ ແລະ ສິດຕັດສິນກ່ຽວກັບຫົວໜ່ວຍບໍລິຫານທຸກຂັ້ນ, ເນື້ອໃນການແບ່ງຂັ້ນ, ແບ່ງສິດອຳນາດລະຫວ່າງສູນກາງ ແລະ ທ້ອງຖີ່ນ ທ່ານ ໂດ໋ຕ໋ຽນແມ້ງ, ຮອງຫົວໜ້າຫ້ອງການສະພາປະຊາຊົນແຂວງ ບິ່ງເຟືອກ, ປະກອບຄຳເຫັນວ່າ:
“ບັນດາມາດຕາລະອຽດສ່ວນຫຼາຍແມ່ນເວົ້າເຖິງການເຄື່ອນໄຫວ ຫຼາຍກ່ວາການຈັດຕັ້ງ, ບັນດາມາດຕາກຳນົດກ່ຽວກັບການຈັດຕັ້ງບໍ່ຫຼາຍ ແລະ ຖືກລະບຸໄວ້ຢູ່ໝວດຕ່າງໆ, ດັ່ງນັ້ນຄວນລວບລວມເປັນໝວດສະເພາະລວມມີການຈັດຕັ້ງສະພາປະຊາຊົນແຂວງ, ເມືອງ, ຕາແສງໃຫ້ຈະແຈ້ງ. ທີ 2 ກ່ຽວກັບການຈັດຕັ້ງຜູ້ປະຈຳສະພາປະຊາຊົນ ຄວນກຳນົດລະອຽດຈຳນວນຮອງປະທານ ແລະ ຍົກເລິກຕຳແໜ່ງກຳມະການປະຈຳ, ໃນຮ່າງກົດໝາຍ ບໍ່ທັນເວົ້າລະອຽດຜູ້ປະຈຳສະພາປະຊາຊົນແຂວງລວມມີຮອງປະທານ ແລະ ກຳມະການຈັກຄົນເທື່ອ ”