ປະຊາຊົນນັບຮ້ອຍຄົນເຂົ້າຮ່ວມວັນບຸນບໍລິຈາກເລືອດ “ຢາດເລືອດແດງເຂດໄຕງວຽນເໜືອ”
(VOVWORLD) - ວັນທີ 25 ມິຖຸນາ, ທີ່ນະຄອນ ກອນຕຸມ, ຄະນະຈັດຕັ້ງຂະບວນການບໍລິຈາກເລືອດ, ຄະນະຊີ້ນຳການຂົນຂວາຍບໍລິຈາກເລືອດອາສາສະໝັກແຂວງ ກອນຕຸມ
ສົມທົບກັນຈັດຕັ້ງວັນບຸນບໍລິຈາກເລືອດ “ຢາດເລືອດແດງເຂດໄຕງວຽນເໜືອ”. ທີ່ວັນບຸນບໍລິຈາກເລືອດ, ຄະນະຈັດຕັ້ງໄດ້ຮັບເລືອດ 238 ຖົງ. ມາຮອດປັດຈຸບັນ, ຢູ່ເຂດໄຕງວຽນ, ຄະນະຈັດຕັ້ງຂະບວນການບໍລິຈາກເລືອດ ໄດ້ຮັບເລືອດ 403 ຖົງແລ້ວ.
“ຂະບວນການບໍລິຈາກເລືອດ” ແມ່ນບັ້ນສື່ສານໂຄສະນາຂະໜາດໃຫຍ່ກ່ຽວກັບການບໍລິຈາກເລືອດໃນທົ່ວປະເທດ. ໜ້າທີ່ຈຸດສຸມຂອງການເຄື່ອນໄຫວແມ່ນຂົນຂວາຍທົ່ວປວງຊົນເຂົ້າຮ່ວມການບໍລິຈາກເລືອດມະນຸດສະທຳ ແລະ ປ້ອງກັນ, ຕ້ານພະຍາດເລືອດຈ່າງມາແຕ່ເກີດ.