ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ
(ພາບປະກອບ)
(vovworld) - ຫວ່າງແລ້ວນີ້, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ຫາກໍ່ລົງນາມໃນຂໍ້ຕົກລົງກ່ຽວກັບການປະກາດໃຊ້ແຜນການປະຕິບັດສັນຍາຮ່ວມມືແຮງງານລະຫວ່າງລັດຖະບານຫວຽດນາມ ແລະ ລັດຖະບານລາວ. ໃນນັ້ນກຳນົດໜ້າທີ່, ແບ່ງງານ ແລະ ຂັ້ນຕອນປະຕິບັດບັນດາເນື້ອໃນຂອງແຜນການຢ່າງລະອຽດຄື: ການໂຄສະນາ, ເຜີຍແຜ່ເນື້ອໃນສັນຍາ, ແນະນຳໃຫ້ວິສາຫະກິດຫວຽດນາມ ກ່ຽວກັບການຮັບປະມູນ, ການລົງທຶນ ແລະ ການປະຕິບັດໂຄງການຊ່ວຍເຫຼືອລ້າຢູ່ລາວຕາມສັນຍາ… ລັດຖະບານມອບໜ້າທີ່ໃຫ້ກະຊວງແຮງງານ, ທະຫານເສຍອົງຄະ ແລະ ສັງຄົມ ເປັນເຈົ້າການ ແລະ ປະສານສົມທົບກັນກັບບັນດາກະຊວງ, ຂະແໜງການ, ຄະນະກຳມະການປະຊາຊົນແຂວງ, ນະຄອນສັງກັດສູນກາງໃນການປະຕິບັດສັນຍາ.