ທ່ານ ຮີ່ງດາມ ແລະ ທ່ານເຄືອເຂົ້າຮົວ
ພາບ:internet
|
(vovworld) - ຕອນບ່າຍວັນທີ 3/5, ທ່ານ ຮີ່ງດາມ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຕ້ອນຮັບທ່ານເຄືອເຂົ້າຮົວ ຮອງປະທານສະພາປຶກສາການເມືອງຈີນ ພວມຢ້ຽມຢາມຫວຽດນາມ. ທີ່ການຕ້ອນຮັບ, ທ່ານ ເຄືອເຂົ້າຮົວ ຮອງປະທານສະພາປຶກສາການເມືອງຈີນ ສະແດງຄວາມປິຕິຊົມຊື່ນເມື່ອໄດ້ມາຢ້ຽມຢາມຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ຖືວ່າ: ພ້ອມກັບການຢ້ຽມຢາມຄັ້ງຕ່າງໆຂອງການນຳສອງປະເທດ, ບັນດາການເຄື່ອນໄຫວແລກປ່ຽນ, ຮ່ວມມືລະຫວ່າງສອງຝ່າຍຈະປະກອບສ່ວນຊຸກຍູ້ນ້ຳໃຈມິດຕະພາບລະຫວ່າງ ຈີນ ແລະ ຫວຽດນາມກວ່າອີກ. ທ່ານຮອງປະທານເຄືອເຂົ້າຮົວ ປາດຖະຫນາວ່າ:ໃນໄລຍະຈະມາເຖິງ ສອງຝ່າຍສືບຕໍ່ເພີ່ມທະວີການພົວພັນ, ການສົມທົບກັນຢ່າງແຫນ້ນແຟ້ນ ແລະ ຕ່າງຝ່າຍຕ່າງມີຜົນປະໂຫຍດ, ປະກອບສ່ວນສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງປະເທດ.