ທ່ານປະທານປະເທດຫວຽດນາມ ເຈືອງເຕີ້ນຊາງ ໄດ້ໄປຖະຫວາຍທູບທຽນບູຊາຢູ່ເຂດອະນຸສອນສະຖານທ່ານຫງວຽນວັນ ກືອະດີດເລຂາທິການໃຫຍ່ພັກກອມມູນິດຫວຽດນາມ |
(vovworld)- ຕອນບ່າຍວັນທີ 14/2, ທ່ານປະທານປະເທດຫວຽດນາມ ເຈືອງເຕີ້ນຊາງ ໄດ້ໄປຖະຫວາຍທູບທຽນບູຊາຢູ່ເຂດອະນຸສອນສະຖານທ່ານຫງວຽນວັນກືອະດີດເລຂາທິການໃຫຍ່ພັກກອມມູນິດຫວຽດນາມ ຢູ່ຕາແສງ ຟູ່ເຄ, ເທດສະບານ ຕືເຊີນ ແຂວງ ບັກນິງ. ນະທີ່ນີ້, ທ່ານປະທານປະເທດຫວຽດນາມ ເຈືອງເຕີ້ນຊາງ ໄດ້ສະແດງຄວາມເຄົາລົບນັບຖື ແລະ ຄວາມຮູ້ບຸນຄຸນຢ່າງເລິກເຊິ່ງຕໍ່ ທ່ານຫງວຽນວັນກືອະດີດເລຂາທິການໃຫຍ່ພັກກອມມູນິດຫວຽດນາມ ຊຶ່ງແມ່ນນັກທິດສະດີທີ່ດີເດັ່ນ, ນັກການເມືອງທີ່ເກັ່ງກ້າສາມາດ, ແມ່ນແບບຢ່າງດີເດັ່ນກ່ຽວກັບນ້ຳໃຈຮ່ຳຮຽນ, ຝຶກຝົນຫຼໍ່ຫຼອມ ແລະ ເຕີບໃຫຍ່ຜ່ານການຕໍ່ສູ້ປະຕິວັດ. ທ່ານຫງວຽນວັນກືເຂົ້າຮ່ວມການປະຕິວັດແຕ່ປີ 1927 ຫາປີ 1938, ທ່ານໄດ້ຮັບເລືອກຕັ້ງເລຂາທິການໃຫຍ່ພັກກອມມູນິດຫວຽດນາມ ເມື່ອມີອາຍຸ 26 ປີ, ທ່ານຖືກພວກລາເມືອງຂຶ້ນຝະລັ່ງຈັບຕົວຢູູ່ໄຊງ່ອນ ແລະ ຕັດສິນໂທດປະຫານຊີວິດ.
ແລະ ກໍໃນວັນດຽວກັນ , ທ່ານປະທານປະເທດຫວຽດນາມ ເຈືອງເຕີ້ນຊາງ ໄດ້ໄປອວຍພອນປີໃໝ່ທ່ານສາດສະດາຈານ, ດຣ ຫງວຽນດິງກວາງ ອະດີດລັດຖະມົນຕີຊ່ວຍວ່າການກະຊວງ ວັດທະນະທຳ-ຖະແຫຼງຂ່າວ, ອະທິການບໍດີມະຫາວິທະຍາໄລເວທີ່ສະແດງ-ຮູບເງົາ ແລະ ສາດສະດາຈານ ຟຸ່ງເທ້ເຈືອງ ອະດີດເປັນອາຈານສອນຢູ່ມະຫາວິທະຍາໄລເສດຖະກິດແຫ່ງຊາດ….