ປະທານປະເທດມອບຂໍ້ ຕົກລົງແຕ່ງຕັ້ງເອກ ອັກຄະລັດຖະທູດ ປະຈຳຕ່າງປະເທດ
(ພາບ:qdnd.vn)
(vovworld)- ຕອນເຊົ້າວັນທີ 12/6, ທ່ານປະທານປະເທດເຈືອງເຕິນຊາງ ໄດ້ມອບຂໍ້ຕົກລົງແຕ່ງຕັ້ງ ແລະ ມອບໝາຍໜ້າທີ່ໃຫ້ແກ່ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ 19 ທ່ານ ແລະ ຫົວໜ້າກົງສູນຫວຽດນາມ ປະຈຳຕ່າງປະເທດ 2 ທ່ານ. ກ່າວຄຳເຫັນນະທີ່ນີ້, ທ່ານປະທານປະເທດເຈືອງເຕິນຊາງ ເນັ້ນໜັກວ່າ: ພາລະກຳຂອງບັນດາທ່ານເອກອັກຄະລັດຖະທູດແມ່ນໜັກໜ່ວງທີ່ສຸດ, ປະຕິບັດວຽກງານທາງການທູດແມ່ນຮັບໃຊ້ໃຫ້ແກ່ວຽກງານພາຍໃນ. ທ່ານໃສ່ໃຈວ່າ: ຫວຽດນາມ ພວມສືບຕໍ່ເປີດກ້ວາງການພົວພັນກັບປະເທດຕ່າງໆໃນໂລກ, ບັນດາທ່ານເອກອັກຄະລັດຖະທູດ ແລະ ຫົວໜ້າກົງສູນຕ້ອງມີຄວາມມານະພະຍາຍາມຢ່າງສູດຂີດ. ທ່ານປະທານປະເທດເຈືອງເຕິນຊາງ ເນັ້ນໜັກວ່າ:
“ດ້ານໜຶ່ງ, ຫວຽດນາມ ຊຸກຍູ້ການເຊື່ອມໂຍງເຂົ້າກັບສາກົນ, ຖືວ່າການເຊື່ອມໂຍງເຂົ້າກັບສາກົນແມ່ນຈຸດສຸມ ເພື່ອຮັບໃຊ້ໃຫ້ແກ່ແຜນນະໂຍບາຍສ້າງໂຄງປະກອບພື້ນຖານເສດຖະກິດຄືນໃໝ່ ແລະ ຍຸດທະສາດເສດຖະກິດ 2011-2020 ຄືການກຳນົດໃນກອງປະຊຸມໃຫ່ຍຊຸດທີ 11 ພັກກອມມູນິດຫວຽດນາມ. ໂດຍສະເພາແມ່ນເປີດກ້ວາງຕະຫຼາດສົ່ງອອກຂອງຫວຽດນາມ, ດຶງດູດເງິນລົງທຶນໂດຍກົງຂອງຕ່າງປະເທດເຂົ້າຫວຽດນາມ…ດ້ານອື່ນ, ຫວຽດນາມ ຈະເປັນເຈົ້າການເປີດກ້ວາງການເຊື່ອມໂຍງໃນບັນດາຂົງເຂດອື່ນ, ຈາກດ້ານການເມືອງ, ການປ້ອງກັນຊາດປ້ອງກັນຄວາມສະຫງົບ ຕະຫລອດຮອດວັດທະນະທຳສັງຄົມ…ເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ການເຊື່ອມໂຍງເຂົ້າກັບສາກົນ ແລະ ປະກອບສ່ວນຢ່າງຕັ້ງໜ້າຮັບປະກັນຄວາມສະຫງົບປອດໄພແຫ່ງຊາດ ກໍ່ຄືຮັກສາສີສັນວັດທະນະທຳຂອງບັນດາຊົນເຜົ່າຫວຽດນາມ”