ທ່ານປະທານປະເທດເຈືອງເຕີນຊາງ
(ພາບ:vnexpress24h.com)
(vovworld)- ວັນທີ 1/3 ທ່ານປະທານປະເທດເຈືອງເຕີນຊາງ ພ້ອມກັບຄະນະປະຕິບັດງານສູນກາງໄດ້ໄປຢ້ຽມຢາມ ແລະ ເຮັດວຽກຢູ່ກວາງບິງ ກ່ຽວກັບສະພາບການພັດທະນາເສດຖະກິດສັງຄົມ, ຮັບປະກັນຄວາມປ້ອງກັນຊາດປ້ອງກັນຄວາມສະຫງົບ. ທ່ານໄດ້ໄປຊອກຮູ້ກ່ຽວກັບຮູບແບບກໍ່ສ້າງຊົນນະບົດໃໝ່ຢູ່ຕາແສງດ້າຍແຈກ ເມືອງໂບແຈກ ແຂວງກວາງບິງ, ໄປຢ້ຽມຢາມປ້ອມປ້ອງກັນຊາຍແດນລີຮ່ວາ ແລະ ເຮັດວຽກກັບການນຳຫລັກແຫຼ່ງແຂວງກວາງບິງ.
ກ່າວຄຳເຫັນທີ່ການເຮັດວຽກກັບການນຳແຂວງກວາງບິງ, ທ່ານປະທານປະເທດເຈືອງເຕີນຊາງ ຖືວ່າ: ກວາງບິງ ຕ້ອງເສີມຂະຫຍາຍບັນດາຄວາມບົ່ມຊ້ອນດ້ານການຄ້າ, ການທ່ອງທ່ຽວ, ກະສິກຳ ແລະ ຂຸດຄົ້ນສິນທະເລ…ການສ້າງຕັ້ງບັນດາໜ່ວຍສາມັກຄີຂຸນຄົ້ນສິນທະເລແມ່ນເໝາະສົມທີ່ສຸດ, ທາງແຂວງຕ້ອງເອົາໃຈໃສ່, ໜູນຊ່ວຍຊາວປະມົງພັດທະນາເສດຖະກິດ, ປະກອບສ່ວນປົກປັກຮັກສາອະທິປະໄຕເຂດທະເລໝູ່ເກາະ:
“ເຮັດແນວໃດຕ້ອງຮັບປະກັນຄວາມປອດໄພໃຫ້ແກ່ຊາວປະມົງ ເພື່ອໃຫ້ເຂົາເຈົ້າມີຄວາມອຸ່ນອຽນໃຈອອກທະເລຫາປາ, ສະຫງວນທຶນໃຫ້ບຸລິມະສິດແກ່ເຂົາເຈົ້າ. ຖ້າມີເຮືອ, ກຳປັ່ນມີຄຸນນະພາບດີ, ປະກອບພາຫະນະຕິດຕໍ່ພົວພັນ, ແນ່ນອນວ່າ ຈະມີກຳລັງແຮງງານເຮັດວຽກບົນທະເລຫຼາຍກ່ວາອີກ“