ປະທານສະພາແຫ່ງຊາດສ.ເກົາຫຼີ ຢ້ຽມຢາມນະຄອນ ໂຮ່ຈີມິນ
ພາບປະກອບ
(vovworld) – ໃນຂອບເຂດການຢ້ຽມຢາມມິດຕະພາບ ຫວຽດນາມ ຢ່າງເປັນທາງການ ຕາມຄຳເຊີນຂອງທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮຸ່ງ ໃນລະຫວ່າງວັນທີ 17-21/3, ວັນທີ 20/3, ທ່ານປະທານສະພາແຫ່ງຊາດ ສ.ເກົາຫຼີ Chung Ui-Hwa ໄດ້ພົບປະແລກປ່ຽນກັບມະຫາວິທະຍາໄລວິທະຍາສາດສັງຄົມ ແລະ ມະນຸດສາດ ນະຄອນໂຮ່ຈີມິນ, ພົບປະແລກປ່ຽນກັບຊາວສ.ເກົາຫຼີ ແລະ ປະຊາຄົມວິສາຫະກິດ ສ.ເກົາຫຼີ ຢູ່ນະຄອນ. ເນື່ອງໃນໂອກາດນີ້, ທ່ານປະທານສະພາແຫ່ງຊາດ ສ.ເກົາຫຼີ Chung Ui-Hwa ກໍ່ໄດ້ໄປຢ້ຽມຢາມຫໍພິພິຕະພັນຮ່ອງຮອຍແຫ່ງສົງຄາມ. ແລະ ກໍ່ໃນຕອນຄຳ່ວັນດຽວກັນ, ການນຳນະຄອນໂຮ່ຈີມິນ ໄດ້ໃຫ້ການຕ້ອນຮັບ ແລະ ຈັດງານລ້ຽງແກ່ຄະນະຜູ້ແທນຂັ້ນສູງ ສ.ເກົາຫຼີ ຢູ່ທຳນຽບເອກະລາດ.
ປະທານສະພາແຫ່ງຊາດສ.ເກົາຫຼີພົບປະແລກປ່ຽນກັບນັກສຶກສາຫວຽດນາມ ຢູ່ນະຄອນໂຮ່ຈີມິນ
ຕອນບ່າຍວັນທີ 20/3, ຢູ່ນະຄອນໂຮ່ຈິມິນ, ຄະນະຜູ້ແທນຂັ້ນສູງສະພາແຫ່ງຊາດ ສ.ເກົາຫຼີ ໂດຍທ່ານປະທານສະພາແຫ່ງຊາດ Chung Ui-Hwa ນຳໜ້າ ໄດ້ໄປຢ້ຽມຢາມ ແລະ ພົບປະແລກປ່ຽນກັບນັກສຶກສາມະຫາວິທະຍາໄລວິທະຍາສາດສັງຄົມ ແລະ ວັດທະນະທຳມະນຸດ (ມະຫາວິທະຍາໄລແຫ່ງຊາດນະຄອນໂຮ່ຈີມິນ). ນະທີ່ນີ້, ທ່ານ Chung Ui-Hwa ໄດ້ໂອ້ລົມກັບພະນັກງານ, ຄູສອນ ແລະ ນັກສຶກສາຂອງມະຫາວິທະຍາໄລແຫ່ງນີ້ ກ່ຽວກັບຫົວເລື່ອງການພົວພັນລະຫວ່າງ ຫວຽດນາມ-ສ.ເກົາຫຼີ ໃນໄລຍະປະຫວັດສາດຂອງ 2 ປະເທດ ແລະ ພາຍຫຼັງ 23 ປີແຫ່ງວັນສ້າງຕັ້ງການພົວພັນທາງການທູດ; ກ່ຽວກັບການກຳນົດທິດພັດທະນາການພົວພັນໃນອະນາຄົດ…ຕາມທ່ານ Chung Ui-Hwa ແລ້ວ, ຫວຽດນາມ-ສ.ເກົາຫຼີ ມີຫຼາຍຈຸດທີ່ຄ້າຍຄືກັນກ່ຽວກັບວັດທະນະທຳ, ປະຫວັດສາດ, ສະນັ້ນນີ້ແມ່ນພື້ນຖານສຳຄັນ ເພື່ອໃຫ້ 2 ປະເທດສືບຕໍ່ພັດທະນາການພົວພັນໃຫ້ນັບມື້ນັບແໜ້ນແຟ້ນ.