ຜັນຂະຫຍາຍມາດ ຕະການນຳໃຊ້ເຕັກໂນໂລ ຊີຂໍ້ມູນຂ່າວສານ ໃນອົງການຂອງລັດ
(ພາບ:binhthuantv.vnbinhthuantv.vn)
(TTX)- ວັນທີ 11/10, ຢູ່ຮ່າໂນ້ຍ, ກະຊວງຖະແຫຼງຂ່າວ ແລະ ສື່ສານຫວຽດນາມ ໄດ້ຈັດວາລະປະຊຸມຂອງສະພາຜູ້ອຳນວຍການເຕັກໂນໂລຊີຂໍ້ມູນຂ່າວສານອົງການແຫ່ງລັດບັນດາກະຊວງ, ອົງການທຽບເທົ່າກະຊວງ ແລະ ການໂອ້ລົມສົນທະນາກ່ຽວກັບບັນດາມາດຕະການເຕັກໂນໂລຊີຂໍ້ມູນຂ່າວສານສະຫງວນໃຫ້ແກ່ລັດຖະບານເອເລກໂຕນິກ. ໃນວາລະປະຊຸມ, ບັນດາການນຳເຕັກໂນໂລຊີຂໍ້ມູນຂ່າວສານສຸມໃສ່ແລກປ່ຽນ 2 ບັນຫາຕົ້ນຕໍຄື: ຜັນຂະຫຍາຍບັນດາໂຄງການນຳໃຊ້ເຕັກໂນໂລຊີຂໍ້ມູນຂ່າວສານຢ່າງມີປະສິດທິຜົນ, ຄວາມຫຍຸ້ງຍາກໃນການຜັນຂະຫຍາຍໂຄງການກໍ່ສ້າງພື້ນຖານໂຄງລ່າງດ້ານເຕັກນິກ, ບັນດາລະບົບຂໍ້ມູນຂ່າວສານ ແລະ ຖານຂໍ້ມູນແຫ່ງຊາດ. ທີ່ການໂອ້ລົມສົນທະນາກ່ຽວກັບບັນດາມາດຕະການເຕັກໂນໂລຊີຂໍ້ມູນຂ່າວສານສະຫງວນໃຫ້ແກ່ລັດຖະບານເອກເລກໂຕນິກ, ບັນດາວິສາຫະກິດໃຫ່ຍກ່ຽວກັບເຕັກໂນໂລຊີຂໍ້ມູນຂ່າວສານໃນໂລກຄື: HP, Intel, Microsoft…ກໍ່ໄດ້ແບ່ງປັນຫຼາຍມາດຕະການເຕັກໂນໂລຊີໃໝ່, ເພື່ອກໍ່ສ້າງພື້ນຖານໂຄງລ່າງ ປະກອບສ່ວນຍູ້ໄວການຜັນຂະຫຍາຍລັດຖະບານເອເລກໂຕນິກຢູ່ຫວຽດນາມ.