ປີ 2011 ແມ່ນປີທີ່ສະຖານະການໃນໂລກພວມມີການຫັນປ່ຽນຫຼາຍຢ່າງ, ເສດຖະກິດໂລກພວມຢືນຢູ່ຕໍ່ໜ້າໄພຖືກຊຸດໂຊມ, ໜິ້ສິນຂອງລັດທີ່ຮ້າຍແຮງຢູ່ບາງປະເທດພວມພັດທະນານັ້ນ, ແຕ່ຫວຽດນາມບໍ່ພຽງແຕ່ສາມາດຜ່ານຜ່າການທົດສອບໄດ້ເທົ່ານັ້ນ, ຫາກຍັງມີບາດກ້າວພັດທະນາອີກດ້ວຍ. ເສດຖະກິດຫວຽດນາມສືບຕໍ່ເຕີບໂຕຢູ່ໃນລະດັບ 6,5%. ຊີວິດສັງຄົມມີສະຖຽນລະພາບ, ການປ້ອງກັນຊາດ ປ້ອງກັນຄວາມສະຫງົບໄດ້ຮັບການຮັກສາໄວ້ຢ່າງໝັ້ນຄົງ. ປີ 2011, ຫວຽດນາມ ສືບຕໍ່ປະຕິບັດນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ເປີດກວ້າງ ເພື່ອສັນຕິພາບ, ການຮ່ວມມື ແລະ ພັດທະນາ, ຫັນເປັນຫຼາຍຝ່າຍ, ຫຼາຍຮູບຫຼາຍແບບ, ເຊື່ອມໂຍງເຂົ້າກັບສາກົນເທື່ອລະກ້າວ. ດ້ວຍແນວ ທາງ, ນະໂຍບາຍທີ່ຖືກຕ້ອງນັ້ນ ໄດ້ປະກອບສ່ວນຍົກສູງທີ່ຕັ້ງບົດບາດ ຂອງຫວຽດນາມໃນເວທີສາກົນ ແລະ ພາກພື້ນ, ສ້າງສະພາບແວດລ້ອມສາກົນທີ່ສະດວກສະບາຍໃຫ້ແກ່ການຮ່ວມມືພັດທະນາ, ປະກອບສ່ວນເຂົ້າໃນການປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນ. ມາຮອດປະຈຸບັນ, ຫວຽດນາມໄດ້ມີການພົວພັນທາງການທູດກັບເກືອບ 180 ປະເທດ, ທັງແມ່ນສະມາຊິກທີ່ຕັ້ງໜ້າຂອງບັນດາອົງການສາກົນໃຫຍ່ຄື: ASEAN, ASEM, APEC, ສະຫະປະຊາຊາດ… ການຕ່າງປະເທດໄດ້ກາຍເປັນຂົວເຊື່ອມຕໍ່ທີ່ຕິດພັນຊາວຫວຽດນາມຢູ່ຕ່າງປະເທດ 4 ລ້ານຄົນ ອ່ວາຍເມືອຫາປະເທດຊາດ. ສຳຫຼັບເພື່ອນມິດສາກົນແລ້ວ, ຫວຽດນາມ ແມ່ນປະເທດທີ່ໜ້າໄວ້ເນື້ອເຊື່ອໃຈ, ມີຄວາມສະຫງົບ ແລະ ພັດທະນາ, ຊາວຫວຽດນາມມີຄວາມສະໜິດສະໜົມ.
ປີ 2011, ກໍ່ແມ່ນປີທີ່ວິທະຍຸກະຈາຍສຽງ ຫວຽດນາມ ສືບຕໍ່ ເສີມຂະຫຍາຍມູນເຊື້ອຂອງຕົນ ແລະ ພັດທະນາ. ໂດຍແມ່ນອົງການສື່ມວນຊົນ, ດ້ວຍຫຼາຍຮູບການເຊັ່ນ: ວິທະຍຸກະຈາຍສຽງ, ສື່ສິ່ງພິມ, ໂທລະພາບ ແລະ ສື່ເອເລັກໂຕນິກ. ວິທະຍຸກະຈາຍສຽງຫວຽດນາມ ສືບຕໍ່ຢັ້ງຢືນທີ່ຕັ້ງຂອງຕົນໃນວົງການສື່ມວນຊົນຫວຽດນາມ, ໃນພາກພື້ນ ແລະ ຢູ່ໃນໂລກ. ວິທະຍຸກະຈາຍສຽງຫວຽດນາມໄດ້ປະຕິບັດໜ້າທີ່ເປັນຂົວເຊື່ອມຕໍ່ລະຫວ່າງປະຊາຊົນກັບລັດຖະບານ, ນຳບັນດາແຜນນະໂຍ ບາຍ, ແນວທາງຂອງພັກ ແລະ ລັດ ລົງສູ່ປະຊາຊົນ. ບັນດາລາຍການຂອງວິທະຍຸເວົ້າລວມ ແລະ ພິເສດແມ່ນບັນດາລາຍການກະຈາຍສຽງພາກພາສາຕ່າງປະເທດ ໄດ້ຮັບການປັບປຸງຢ່າງບໍ່ຢຸດຢັ້ງ, ແລະ ເສີມຂະຫຍາຍມູນເຊື້ອຂອງພື້ນຖານວັດທະນະທຳຫວຽດນາມທີ່ເຂັ້ມຂົ້ນໄປດ້ວຍສີສັນຊາດ, ເພື່ອແນະນຳເຖິງທ່ານຜູ້ຟັງກ່ຽວກັບປະເທດຫວຽດນາມທີ່ຂະຫຍັນຂັນເຄື່ອນ, ແມ່ນຈຸດນັດພົບທີ່ປອດໄພ, ແມ່ນແຫ່ງລົງທຶນທີ່ໜ້າໄວ້ເນື້ອເຊື່ອໃຈ; ແລະ ຊາວຫວຽດນາມທີ່ອົງອາດກ້າແກ່ນ, ມີຄວາມໃກ້ສິດສະໜິດສະໜົມ ແລະ ຮັກແພງແຂກຄົນ. ພິເສດ, ນັບແຕ່ວັນທີ 15/12 ຜ່ານມາ, ລະບົບບັນດາລາຍການກະຈາຍສຽງພາກພາສາຕ່າງປະເທດຂອງວິທະຍຸກະຈາຍສຽງຫວຽດນາມ ໄດ້ເປີດເວັບໄຊ ທາງອິນເຕີແນດ ຢ່າງເປັນທາງການ. ນັບແຕ່ນີ້ເປັນຕົ້ນໄປ, ວິທະຍຸກະຈາຍສຽງຫວຽດນາມ ສາມາດຕິດຕໍ່ພົວພັນກັບທ່ານຜູ້ຟັງ ແລະ ຊາວຫວຽດນາມອາໄສຢູ່ຕ່າງປະເທດຜ່ານເຄືອຂ່າຍອິນເຕີເນັດໄດ້. ທ່ານຜູ້ຟັງ ແລະ ຊາວຫວຽດນາມທີ່ອາໄສຢູ່ຕ່າງປະເທດສາມາດຮັບຟັງບັນດາລາຍການກະຈາຍ ສຽງ ແລະ ອ່ານຂ່າວ, ຄໍລຳທີ່ທ່ານມີຄວາມນິຍົມໃນລະບົບບັນດາລາຍ ການກະຈາຍສຽງພາກພາສາຕ່າງປະເທດຂອງວິທະຍຸກະຈາຍ ສຽງຫວຽດ ນາມໄດ້.
ກ້າວເຂົ້າສູ່ປີ 2012, ວິທະຍຸກະຈາຍສຽງ ຫວຽດນາມ ຈະສືບຕໍ່ປ່ຽນໃໝ່ທາງດ້ານເນື້ອໃນ ແລະ ຮູບການສອ່ງແສງ ເພື່ອໃຫ້ບັນດາລາຍການຂອງວິທະຍຸກະຈາຍສຽງຫວຽດນາມ ນັບມື້ນັບໃກ້ສິດຕິດແທດກັບຊີວິດການເປັນຢູ່, ກໍ່ຄືຕອບສະໜອງຄວາມຕ້ອງການຂອງທ່ານຜູ້ຟັງແຕ່ລະຄົນ ແລະ ເປັນທີ່ໄວ້ເນື້ອເຊື່ອໃຈຂອງທ່ານຜູ້ຟັງ.
ເນື່ອງໃນໂອກາດບຸນປີໃໝ່ສາກົນ, ຕາງໜ້າໃຫ້ພະນັກງານ, ນັກຂ່າວວິທະຍຸກະຈາຍສຽງຫວຽດນາມ, ຂໍອວຍພອນໃຫ້ທ່ານຜູ້ຟັງ ທີ່ເປັນຊາວຕ່າງປະເທດ ແລະ ຊາວຫວຽດນາມອາໄສຢູ່ຕ່າງປະເທດ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ວັດທະນາຖາວອນ.