(vovworld) – ໃນການປະກົດຕົວຄັ້ງທຳອິດຕໍ່ໜ້າມະຫາຊົນພາຍຫຼັງການເລືອກຕັ້ງສະພາແຫ່ງຊາດ ຊຸດທີ 5, ວັນທີ 31/7, ທ່ານນາຍົກລັດຖະມົນຕີ ກຳປູເຈຍ Hun Sen, ຮອງປະທານພັກປະຊາຊົນ ກຳປູເຈຍ (CPP) ກຳອຳນາດ, ໃຫ້ຮູ້ວ່າ: CPP ໄດ້ສ້າງຕັ້ງກຸ່ມປະຕິບັດງານເພື່ອດຳເນີນການສົນທະນາກັບຝ່າຍຄ້ານ ແນໃສ່ແກ້ໄຂບັນດາບັນຫາທີ່ກ່ຽວຂ້ອງເຖິງສະພາແຫ່ງຊາດ ແລະ ກວດກາບັນດາຄຳກ່າວຫາກ່ຽວກັບເລື່ອງລະມີດເຖິງການເລືອກຕັ້ງ. CPP ກໍ່ຊົມເຊີຍເລື່ອງຜັນຂະຫຍາຍກຳມາທິການປະສົມເພື່ອສືບສວນບັນດາຄຳກ່າວຫາດັ່ງກ່າວໃນການເລືອກຕັ້ງ. ຕາມທ່ານ Hun Sen ແລ້ວ, ໝາກຜົນຂອງການເລືອກຕັ້ງຜ່ານມາບໍ່ສຳຄັນກ່ວາຄວາມສະຫງົບ, ສະຖຽນລະພາບຂອງປະເທດຊາດ. ການກະທຳຂອງ CPP ເພື່ອມຸ່ງໄປເຖິງສະຖຽນລະພາບ, ສັນຕິພາບໃຫ້ແກ່ ກຳປູເຈຍ, ຫຼີກຫຼ້ຽງການປະທະກັນຕ່າງໆທີ່ສົ່ງຜົນສະທ້ອນເຖິງປະຊາຊົນ ແລະ ສັງຄົມ. ທ່ານກໍ່ຢືນຢັນພ້ອມແລ້ວທີ່ສົນທະນາກັບຫົວໜ້າຝ່າຍຄ້ານ Sam Rainsy ຖ້າຫາກເກີດບັນດາບັນຫາສຳຄັນທີ່ອາດຈະສົ່ງຜົນສະທ້ອນເຖິງສະພາບການເມືອງປະຊາທິປະໄຕ ຢູ່ ກຳປູເຈຍ.