(vovworld) - ຕອນເຊົ້າວັນທີ 9/4, (10/3 ໄລ່ຕາມຈັນທະປະຕິທິນ), ພິທີຖະຫວາຍທູບທຽນອາໄລຫາບັນດາເຈົ້າຊີວິດຮຸ່ງໄດ້ຈັດຂຶ້ນຢູ່ ພູ ເຫງັຍລີ້ງ, ຂຶ້ນກັບເຂດປູຊະນີຍະສະຖານປະຫວັດຊາດລະດັບຊາດ ວິຫານຮຸ່ງ, ເຂົ້າຮ່ວມພິທີມີທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາ, ທ່ານ ຫງວຽນທ້ຽນເຍິນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ຜູ້ຕາງໜ້າການນຳບັນດາກະຊວງ, ຂະແໜງການ, ອົງການສູນກາງ ແລະ ປະຊາຊົນທຸກຊັ້ນວັນນະ. ພິທີຖະຫວານທູບທຽນເລີ່ມຕົ້ນແຕ່ເວລາ 7 ໂມງ 30 ນາທີ ໃນສຽງດົນຕີ, ສຽງຄ້ອງ, ສຽງກອງທີ່ດັງກ້ອງກັງວານໄປທົ່ວເຂດພູ ເຫງັຍລີ້ງ. ຄະນະຖະຫວາຍທູບທຽນເລີ່ມເດີນທາງຈາດເດີນໃຈກາງພິທີງານບຸນ, ຜ່ານວິຫານຫ້າ, ວິຫານຈູງ ແລ້ວຂຶ້ນວິຫານເທື້ອງ. ຄະນະໄດ້ນຳເອົາທຸງຊາດ, ທຸງງານບຸນ ແລະ ດວງມາລາທີ່ມີແຖວໜັງສື ”ຮູ້ບຸນຄຸນບັນດາເຈົ້າຊີວິດຮຸ່ງໃນການກໍ່ຕັ້ງປະເທດຕະຫຼອດໄປ”, ຖັດຈາກນັ້ນແມ່ນບັນດານາງສາວໃນຊຸດອາພອນທີ່ເປັນມູນເຊື້ອ ນຳເອົາທູບ, ດອກໄມ້, ເຄື່ອງຂອງບູຊາ ແລະ ມີຊາວໜຸ່ມ 100 ຄົນ, ທີ່ເປັນສັນຍາລັກໃຫ້ລູກ 100 ຄົນທີ່ໄດ້ຮັບການກຳເນີດຈາກພວງໄຂ່ດຽວ, ມືຍົກຄັນທຸງງານບຸນສະແດງໃຫ້ເຫັນພະລັງຊີວິດແຮງກ້າຂອງຊາວຫວຽດນາມ, ຖັດຈາກກອງແຫ່ວໍ, ເຄື່ອງຂອງບູຊາແມ່ນຄະນະຜູ້ແທນການນຳພັກ, ລັດ, ບັນດາອົງການສູນກາງ, ທ້ອງຖີ່ນ ແລະ ປະຊາຊົນໃນທົ່ວປະເທດ.
ຕໍ່ໜ້າວີນຍານບັນດາເຈົ້າຊີວິດຮຸຸ່ງ, ທ່ານປະທານແຂວງ ຟູ໋ທໍ້ ຈູງອກແອງ, ທັງເປັນເຈົ້າພາບຈັດພິທີໄຫວ້ບູຊາເຈົ້າຊີວິດຮຸ່ງປີ 2014 ໄດ້ສະແດງຄວາມເອກອ້າງທະນົງໃຈຕໍ່ມູນເຊື້ອອັນສະຫງ່າລາສີ 4 ພັນປີແຫ່ງການສ້າງສາ ແລະ ປົກປັກຮັກສາປະເທດຊາດຂອງຊາດຫວຽດນາມ, ສະແດງຄວາມຮູ້ບຸນຄູນຕໍ່ບັນພະບຸລຸດ ແລະ ລາຍງານບັນດາຜົນງານອັນໃຫບ່ຫຼວງ ເຊິ່ງທົ່ວພັກ, ທົ່ວປວງຊົນ, ທົ່ວກອງທັບຫວຽດນາມບັນລຸໄດ້ໃນພາລະກິດປ່ຽນໃໝ່, ເຊື່ອມໂຍງ ແລະ ພັດທະນາປະເທດຊາດ.
ພາຍຫຼັງພິທີໄຫວ້ບູຊາໄດ້ດຳເນີນງານບຸນ. ດ້ວຍການເຄື່ອນໄຫວຫຼາຍຢ່າງຄື: ແຂ່ງຂັນຕົ້ມເຂົ້າຕົ້ມ, ເຂົ້າໜົມໄຢ່, ຕີກອງທອງ, ຟ້ອນສິງໂຕ, ຂັບຊວານ, ການແຂ່ງຂັນກິລາຕີມວຍພື້ນເມືອງ, ໝາກຮຸກ. ນອກນັ້ນຍັງມີການສະແດງດົນຕີຕ່າຍຕືຂອງບັນດາແຂວງທາງພາກໃຕ້, ຂັບກວານຫໍ້ບັກນິງ, …
ໃນວັນດຽງກັນຢູ່ເຂດອະນຸສະຖານບັນດາເຈົ້າຊີວິດຮຸ່ງຢູ່ນະຄອນ ໂຮ່ຈີມິນກໍ່ດຳເນີນ ພິທີຖະຫວາຍທູບທຽນໄຫວ້ອາໄລເຈົ້າຊີວິດຮຸ່ງຕາມປະເພນີທີ່ເປັນມູນເຊື້ອ.
ກ່ອນໜ້ານັ້ນ, ວັນທີ 8/4ຢູ່ນະຄອນເກິ່ນເທີກໍ່ຈັດຕັ້ງງານສະແດງສິລະປະມຸ້ງໄປສູ່ ພິທີງານບຸນໄຫວ້ອາໄລເຈົ້າຊີວິດຮຸ່ງເຊັນດຽວກັນ.