(vovworld) - ວັນທີ 28/2, ສະຖານທູດ ຫວຽດນາມ ປະຈຳ ສະຫະພັນ ລັດເຊຍ ໄດ້ຈັດຕັ້ງການພົບປະສັງສັນປະຈຳປີ ກັບຜູ້ຕາງໜ້າບັນດາວິສາຫະກິດ ແລະ ສື່ມວນຊົນ ລັດເຊຍ ທີ່ມີການພົວພັນ ແລະ ສົນໃຈເຖິງ ຫວຽດນາມ. ກ່າວຄຳເຫັນທີ່ການພົບປະສັງສັນ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ສະຫະພັນ ລັດເຊຍ ຟ້າມຊວນເຊີນ ເນັ້ນໜັກຜົນງານສຳຄັນເຊິ່ງການພົວພັນລະຫວ່າງ 2 ປະເທດບັນລຸໄດ້ໃນປີ 2012 ແມ່ນ ຂົງເຂດ ເສດຖະກິດ - ການຄ້າ ດ້ວຍວົງເງິນ 2 ຝ່າຍບັນລຸ 3,6 ຕື້ USD, ບັນລຸ ແລະ ລື່ນກາຍຕົວເລກຄາດໝາຍວາງອອກ. ເມື່ອເຕື້ອງເຖິງບົດບາດຂອງບັນດາວິສາຫະກິດລັດເຊຍ ແລະ ຫວຽດນາມ ໃນການຊຸກຍູ້ການພົວພັນຮ່ວມມື 2 ຝ່າຍ, , ທ່ານເອກອັກຄະລັດຖະທູດ ຟ້າມຊວນເຊີນ ເວົ້າວ່າ:
“ບັນດາວິສາຫະກິດ 2 ປະເທດ ໄດ້ປະກອບສ່ວນສຳຄັນໃນການພັດທະນາບັນດາສາຍພົວພັນດ້ານເສດຖະກິດ, ການຄ້າ ແລະ ຫັນບັນດາໂຄງການໃນຂົງເຂດນີ້ໃຫ້ປະກົດຜົນເປັນຈິງ. ດ້ວຍການເຄື່ອນໄຫວຕ່າງໆຂອງຕົນ, ບັນດາວິສາຫະກິດສະແດງໃຫ້ເຫັນວ່າ: ຄວາມຈຳເປັນເພື່ອປະຕິບັດສຳເລັດລະບົບການຮ່ວມມື ເລີ່ມຕົ້ນດ້ວຍບັນດາໂຄງການ, ຂໍ້ຕົກລົງ ຕະຫຼອດຮອດ ບັນດາເງື່ອນໄຂຂອງການຄ້າເສລີ. ຂ້າພະເຈົ້າຖືວ່າ, ໜ້າທີ່ຂອງບັນດາວິສະຫະກິດແມ່ນຕັ້ງໜ້າກ່ວາ ເພື່ອເຮັດແນວໃດບັນລຸໄດ້ຄາດໝາຍຍົກສູງວົງເງິນຂຶ້ນເຖິງ 7 ຕື້ USD ໃນປີ 2015”
ທ່ານເອກອັກຄະລັດຖະທູດ ຟ້າມຊວນເຊີນກໍ່ຕີລາຄາສູງບົດບາດຂອງ ສື່ມວນຊົນ ລັດເຊຍ ໃນການແນະນຳກັບປະຊາຊົນ ລັດເຊຍ ກ່ຽວກັບປະເທດຊາດ, ຊາວ ຫວຽດນາມ, ກ່ຽວກັບເຫດການສຳຄັນໃນການເຄື່ອນໄຫວມິດຕະພາບ - ຮ່ວມມືລະຫວ່າງ 2 ປະເທດ ແລະ ສະແດງຄວາມຫວັງວ່າ: ໃນໄລຍະຈະມາເຖິງຈະມີຫຼາຍແຫຼ່ງຂ່າວ ກ່ຽວກັບຫວຽດນາມ ແລະ ກ່ຽວກັບການພົວພັນ 2 ປະເທດ ຈະໄດ້ຮັບການແນະນຳນັບມື້ນັບຫຼາຍຜ່ານບັນດາພາຫະນະສື່ມວນຊົນ.