ທ່ານໂງດຶກທັງ ມອບຫຼຽນກາຕໍ່ຕ້ານຊັນໜຶ່ງໃຫ້ແກ່ຄອບຄົວທ່ານ
ນິງວຽດມິງ ຊາວຫວຽດນາມ ອາໄສຢູ່ບາງກອກ
(ພາບ:tintuc.vnn.vn)
(vovworld)- ຕອນບ່າຍວັນທີ 22/4, ຢູ່ສະຖານທູດຫວຽດນາມ ປະຈຳບາງກອກ ປະເທດໄທ, ທ່ານໂງດຶກທັງ ເອກອັກຄະລັດຖະທູດຫວຽດນາມ ປະຈຳໄທ ໄດ້ມອບຫຼຽນໄຊ, ຫຼຽນກາໃຫ້ແກ່ 9 ສ່ວນບຸກຄົນ ແລະ ຄອບຄົວຊາວຫວຽດນາມ ອາໄສຢູ່ແຂວງໜອງຄາຍ ແລະ ນະຄອນຫຼວງບາງກອກ ປະເທດໄທ ຍ້ອນມີຜົນງານໃນການປະກອບສ່ວນຊ່ວຍເຫຼືອປະເທດຊາດໃນການຕໍ່ຕ້ານ, ປະກອບສ່ວນສ້າງສາ ແລະ ພັດທະນາປະເທດຊາດ. ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດໂງດຶກທັງ ປາດຖະໜາວ່າ: ຊາວຫວຽດນາມ ອາໄສຢູ່ໄທ ຈະສືບຕໍ່ເສີມຂະຫຍາຍມູນເຊື້ອການປະຕິວັດ, ສາມັກຄີກັນ ອ່ວຍໜ້າເມືອຫາກົກເຄົ້າຫງົ້າກໍ, ຕັ້ງໜ້າປະກອບເຫື່ອແຮງ, ພູມປັນຍາໃຫ້ແກ່ການພັດທະນາຂອງປະເທດຊາດໃນໄລຍະໃໝ່ ແລະ ເພີ່ມພູນຄູນສ້າງນ້ຳໃຈສາມັກຄີມິດຕະພາບລະຫວ່າງປະຊາຊົນສອງປະເທດຫວຽດນາມ ແລະ ໄທ. ຕາງໜ້າໃຫ້ຊາວຫວຽດນາມ ອາໄສຢູ່ໄທ ໄດ້ຮັບຫຼຽນໄຊຫຼຽນກາ, ທ່ານຫງວນວັນຮານ ແລະ ຟານວັນຮ່າວ ໄດ້ຢືນຢັນວ່າ: ບັນດາລາງວັນອັນສູງສົ່ງນີ້ ຈະແມ່ນແຫຼ່ງລະດົມກຳລັງໃຈອັນໃຫ່ຍຫຼວງທີ່ມີຕໍ່ຕົນເອງ ແລະ ຊາວຫວຽດນາມ ອາໄສຢູ່ໄທ. ປະຊາຄົມຊາວຫວຽດນາມ ອາໄສຢູ່ໄທ ຈະສືບຕໍ່ມູນເຊື້ອສາມັກຄີຂອງຊາດ, ຊ່ວຍເຫຼືອຊື່ງກັນ ແລະ ກັນ, ແມ່ນຂົວຕໍ່ຂອງນ້ຳໃຈສາມັກຄີມິດຕະພາບຫວຽດນາມ ແລະ ໄທ.