ພາບປະກອບ: internet
|
(vovworld) - ຊຸມມື້ນີ້, ພະນັກງານ, ສະມາຊິກພັກ ແລະ ປະຊາຊົນບັນດາເຜົ່າໃນທົ່ວປະເທດ ຫວຽດນາມ ໄດ້ສະແດງຄວາມເຫັນດີເຫັນພ້ອມຕໍ່ກັບເລື່ອງສູນກາງພັກກອມມູນິດ ຫວຽດນາມ ປະກາດໃຊ້ມະຕິສູນກາງພັກຄັ້ງທີ 4 ຊຸດທີ 11 “ບາງບັນຫາຮີບດ່ວນກ່ຽວກັບວຽກງານກໍ່ສ້າງພັກປະຈຸບັນ”. ສະມາຊິກພັກ Do Minh Quan ຢູ່ຫນ່ວຍພັກສະມາຄົມນັກຮົບເກົ່າແຂວງ Son La ຖືວ່າ: ແຕ່ກອ່ນມາຮອດປະຈຸບັນ, ພັກກອມມູນິດ ຫວຽດນາມ ໄດ້ດຳເນີນການປັບປຸງ, ກໍ່ສ້າງພັກເປັນຫລາຍຄັ້ງແລ້ວ ແຕ່ເທື່ອນີ້ແມ່ນປະຕິບັດຢ່າງແຂງແຮງກວ່າໝູ່. ມະຕິສູນກາງພັກຄັ້ງທີ 4 ຊຸດທີ 11 ແມ່ນຫນຶ່ງໃນບັນດາມະຕິມີລັກສະນະປະຫວັດສາດ. ຖ້າຫາກບໍ່ມີການປ່ຽນໃຫມ່ກ່ຽວກັບຄວາມຮັບຮູ້ ແລະ ການຈັດຕັ້ງຂອງພັກ, ຖັນແຖວສະມາຊິກພັກບໍ່ປອດໃສ, ສະມາຊິກພັກບໍ່ຊາບຊືມແນວຄິດປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມຍຸດຕິທຳ, ປະຊາທິປະໄຕ ແລະ ສີວິໄລ ຍາກທີ່ບັນລຸໄດ້ບັນດາຜົນງານປ່ຽນແປງໃຫມ່ໃນໄລຍະຕໍ່ໄປໄດ້. ທ່ານ Do Minh Qua ຍົກຄຳເຫັນວ່າ:
“ຂ້າພະເຈົ້າມີຄວາມເຊື່ອໝັ້ນວ່າ ມະຕິສູນກາງພັກຄັ້ງທີ 4 ແມ່ນຫນຶ່ງໃນບັນດາເນື້ອໃນທີ່ຖືກກັບຈິດໃຈຂອງປະຊາຊົນ, ຂອງພັກ. ປະຊາຊົນບັນດາເຜົ່າໃນທົ່ວປະເທດ ລ້ວນແຕ່ມີຄວາມເຫັນດີເຫັນພ້ອມກັບມະຕິດັ່ງກ່າວ. ສຳລັບພວກຂ້າພະເຈົ້າ, ຊຶ່ງແມ່ນອົງການພັກຢູ່ຂັ້ນຮາກຖານ, ພວກຂ້າພະເຈົ້າຍາມໃດກໍກຳນົດວ່າ ຕົນເອງຕ້ອງຊາບຊືມ ແລະ ກຳແຫນ້ນມະຕິສູນກາງພັກຄັ້ງທີ 4 ຢ່າງເລິກເຊິ່ງ.”