ລັດຖະບານຊີ້ນຳການຍູ້ແຮງຄວາມຄືບໜ້າການກໍ່ສ້າງເຂດເສດຖະກິດພິເສດຟູ໋ກວກ
ເກາະ ຟູ໋ກວກ (ພາບປະກອບ)
|
(vovworld) – ເວລາມໍ່ໆມານີ້, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ສະເໜີໃຫ້ແຂວງ ກຽນຢາງ ສ້າງສຳເລັດແຜນຮ່າງສ້າງຕັ້ງເຂດເສດຖະກິດພິເສດ ຟູ໋ກວກ ໂດຍໄວ, ພ້ອມທັງຂຸດຄົ້ນ, ເສີມຂະຫຍາຍຄວາມສາມາດບົ່ມຊ້ອນພັດທະນາຂອງເກາະ ຟູ໋ກວກ, ຍູ້ໄວຄວາມຄືບໜ້າສ້າງສຳເລັດພື້ນຖານໂຄງລ່າງໃນເກາະ, ສ້າງເງື່ອນໄຂອຳນວຍຄວາມສະດວກ ແລະ ສະພາບແວດລ້ອມເປັນຢ່າງດີໃຫ້ແກ່ບັນດານັກລົງທຶນເຂົ້າຮ່ວມການລົງທຶນໃນເກາະ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ກໍ່ສະເໜີໃຫ້ແຂວງສືບຕໍ່ປ່ຽນໃໝ່ເພື່ອພັດທະນາ, ປະຕິບັດການສ້າງໂຄງປະກອບການລົງທຶນຄືນໃໝ່, ຫັນປ່ຽນກົນໄກເສດຖະກິດ, ເປັນເຈົ້າການກຳແໜ້ນກາລະໂອກາດເພື່ອເຊື່ອມໂຍງເສດຖະກິດຢ່າງເລິກເຊິ່ງ, ກ້ວາງຂວາງ ກັບບັນດາປະເທດ ກ່ອນອື່ນໝົດແມ່ນບັນດາປະເທດໃນພາກພື້ນ ອາຊຽນ. ແຂວງ ຕ່ຽນຢາງ ຄວນປະຕິບັດແຜນຮ່າງສ້າງໂຄງປະກອບກະສິກຳ ຕິດພັນກັບການກໍ່ສ້າງຊົນນະບົດໃໝ່ຄືນໃໝ່, ຍົກສູງກຳລັງຄຸ້ມຄອງ, ບໍລິຫານການຜະລິດ, ດຳເນີນທຸລະກິດຂອງວິສາຫະກິດ, ມີມາດຕະການຫລຸດຜ່ອນຜົນສະທ້ອນຈາກການປ່ຽນແປງຂອງດິນຟ້າອາກາດ, ນ້ຳທະເລຂຶ້ນສູງເຖິງການຜະລິດ ແລະ ຊີດວິດການເປັນຢູ່ຂອງປະຊາຊົນ, ພ້ອມກັນນັ້ນປັບປຸງທ່າຮົບປ້ອງກັນຊາດທົ່ວປວງຊົນ ແລະ ທ່າຮົບປ້ອງກັນຄວາມສະຫງົບຂອງປະຊາຊົນ, ກໍ່ສ້າງເຂດຊາຍແດນສັນຕິພາບ, ມິດຕະພາບ, ສະຖຽນລະພາບ, ຮ່ວມມືກັບປະເທດເພື່ອນມິດ.