(vovworld) – ທ່ານ ເຜິງຊິງຮ໋ວາ, ເລຂາຄະນະພັກເຂດປົກຄອງດ້ວຍຕົນເອງ ຊົນເຜົ່າ ຈວາງ, ແຂວງ ກວາງຊີ ປະເທດຈີນ ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ ແຕ່ວັນທີ 9 – 12/6, ຕາມຄຳເຊື້ອເຊີນຂອງທ່ານລັດຖະມົນຕີການຕ່າງປະເທດ ຫວຽດນາມ ຟ້າມບິນມິນ. ທີ່ການຕ້ອນຮັບເມື່ອວັນທີ 10/6, ທ່ານລັດຖະມົນຕີການຕ່າງປະເທດ ຟ້າມບິນມິນ ຖືວ່າ: ບັນດາທ້ອງຖິ່ນຂອງ ຫວຽດນາມ ແລະ ກວາງຊີ ຄວນປັບປຸງ ແລະ ເສີມຂະຫຍາຍບັນດາກົນໄກຮ່ວມມືທີ່ມີຢູ່ແລ້ວລະຫວ່າງ 2 ຝ່າຍ, ເພີ່ມທະວີການຮ່ວມມືຢ່າງມີປະສິດທິຜົນໃນບັນດາຂົງເຂດເຊິ່ງ 2 ຝ່າຍມີທ່າແຮງ ແລະ ມີຄວາມຕ້ອງການພັດທະນາຮ່ວມມືຄື: ເຊື່ອມຕໍ່ຄົມມະນາຄົມ, ພື້ນຖານໂຄງລ່າງ... ທ່ານລັດຖະມົນຕີ ຟ້າມບິນມິນ ຫວັງວ່າ: ບັນດາທ້ອງຖິ່ນຢູ່ເຂດຊາຍແດນ 2 ປະເທດຈະສົບທົບກັນຢ່າງແໜ້ນແຟ້ນສ້າງເສັ້ນຊາຍແດນສັນຕິພາບ, ມິດຕະພາບ, ສະຖຽນລະພາບ ແລະ ພັດທະນາ. ທ່ານລັດຖະມົນຕີ ຟ້າມບິນມິນ ເນັ້ນໜັກວ່າ:
“ພວກຂ້າພະເຈົ້າຖືເປັນສຳຄັນ ແລະ ປາດຖະໜາຢາກພັດທະນາການພົວພັນກັບ ຈີນ. ນີ້ແມ່ນຄູ່ຮ່ວມມືຍຸດທະສາດຮອບດ້ານຂອງ ຫວຽດນາມ, ການພົວພັນຂອງ ຫວຽດນາມ ກັບບັນດາແຂວງ, ພິເສດແມ່ນແຂວງມີຊາຍແດນຮ່ວມກັບ ຫວຽດນາມ. ພວກຂ້າພະເຈົ້າມີຄວາມປິຕິຊົມຊື່ນເມື່ອເຫັນວ່າການພັວພັນລະຫວ່າງແຂວງ ກວາງຊີ ກັບ ຫວຽດນາມ ເວົ້າລວມ ແລະ ກັບບັນດາແຂວງຊາຍແດນຂອງ ຫວຽດນາມ ເວົ້າສະເພາະໃນຊຸມປີຜ່ານມາພັດທະນາຢ່າງດີງາມ ”
ສ່ວນທ່ານ ເລຂາຄະນະພັກເຂດປົກຄອງດ້ວຍຕົນເອງເຊົາເຜົ່າ ຈວາງ ເຜິງຊິງຮ໋ວາ ເນັ້ນໜັກວ່າ:
“ແຂວງ ກວາງຊີຖືການເພີ່ມທະວີການຮ່ວມມືຫຼາຍດ້ານກັບບັນດາທ້ອງຖິ່ນຂອງ ຫວຽດນາມ ເປັນສຳຄັນ, ພິເສດແມ່ນບັນດາແຂວງຊາຍແດນ. ກວາງຊີ ຈະສູ້ຊົນປະກອບສ່ວນນຳການຮ່ວມມືລະຫວ່າງ 2 ຝ່າຍໃຫ້ນັບມື້ນັບກ້າວເຂົ້າສູ່ລວງເລິກ, ປະກອບສ່ວນປັບປຸງ ແລະ ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຈີນ - ຫວຽດນາມ ກ່ວາອີກ”
ກ່ອນໜ້ານັ້ນ, ວັນທີ 10/6, ທ່ານເລຂາຄະນະພັກເຂດປົກຄອງດ້ວຍຕົນເອງ ເຜິງຊິງຮ໋ວາ ໄດ້ເຂົ້າຢ້ຽມຂຳ່ນັບທ່ານເລຂາທິການໃຫຍ່ ຫງວຽນຟູ໋ຈ້ອງ, ທ່ານນາຍົກລັດຖະມົນຕີ ຫງວຽນເຕີນຢູງ.