(vovworld) - ຕອນບ່າຍວັນທີ 25/2, ຢູ່ຮ່າໂນ້ຍ, ໃນການຕ້ອນຮັບລັດຖະມົນຕີພະລັງງານ ບຣູໄນ ທ່ານ Yang Berohormat Pehin Yasmin ເຊິ່ງພວມຢູ່ຢ້ຽມຢາມ ຫວຽດນາມ, ທ່ານປະທານປະເທດ ຫວຽດນາມ ເຈື່ອງເຕີນຊາງ ເຊື່ອໝັ້ນວ່າ: ໝາກຜົນຂອງການເຈລະຈາລະຫວ່າງການນຳຂະແໜງນ້ຳມັນອາຍແກດ 2 ປະເທດຈະປະກອບສ່ວນເພີ່ມທະວີການພົວພັນຮ່ວມມືດ້ານເສດຖະກິດ ຫວຽດນາມ - ບຣູໄນ ຍິ່ງກ່ວາອີກ. ຕີລາຄາສູງບົດບາດຂອງປະເທດ ບຣູໄນ ໃນພາກພື້ນ ແລະ ໃນໂລກ, ທ່ານປະທານປະເທດ ເຈືອງເຕີນຊາງ ຖືວ່າ: ພ້ອມກັບການຮ່ວມມືກ່ຽວກັບນ້ຳມັນອາຍແກດ, ຫວຽດນາມ ແລະ ບຣູໄນ ສາມາດເພີ່ມທະວີການພົວພັນໃນບັນດາຂົງເຂດຜະລິດຕະພັນກະເສດ, ເຄື່ອງປ່າຂອງດົງ ແລະ ສິນໃນນ້ຳ.
ລາຍງານກ່ຽວກັບໝາກຜົນຂອງການແລກປ່ຽນລະຫວ່າງຂະແໜງພະລັງງານບຣູໄນ ແລະ ກຸ່ມບໍລິສັດ ນ້ຳມັນອາຍແກດ ແຫ່ງຊາດ ຫວຽດນາມ, ທ່ານ ລັດຖະມົນຕີພະລັງງານ ບຣູໄນ Yang Berohormat Pehin Yasmin ຢັ້ງຢືນວ່າ: 2 ຝ່າຍພ້ອມແລ້ວທີ່ຮ່ວມມືຍົກລະດັບການພົວພັນ. ທ່ານ ລັດຖະມົນຕີພະລັງງານ ບຣູໄນ Yang Berohormat Pehin Yasmin ເນັ້ນໜັກວ່າ: ນີ້ແມ່ນການຢ້ຽມຢາມ ຫວຽດນາມ ຄັ້ງທີ 3 ແລະ ຜ່ານການຢ້ຽມຢາມຄັ້ງນີ້ ທ່ານມີຄວາມປະທັບໃຈຫຼາຍຢ່າງ ກ່ຽວກັບປະເທດຊາດ ແລະ ປະຊາຊົນ ຫວຽດນາມ.