ຕາມກົດໝາຍສະບັບໃໝ່, ທ່ານປະທານາທິບໍດີລັດເຊຍ ມີສິດຢຸດຕິການພົວພັນທາງການທູດກັບບັນດາປະເທດ “ບໍ່ເປັນມິດ” ກັບມົດສະກູ, ກໍ່ຄືຫ້າມບັນດາການເຄື່ອນໄຫວແລກປ່ຽນສິນຄ້າກັບບັນດາປະເທດນີ້. ນອກນັ້ນ, ລັດເຊຍ ກໍຈະຈຳກັດການຮ່ວມມືໃນຂົງເຂດປະລະມານູ ແລະ ຜະລິດເຮືອບິນ, ເຄື່ອງຈັກລູກສອນໄຟກັບອາເມລິກາ ແລະ ບັນດາອົງການຈັດຕັ້ງ ທີ່ນອນໃນສິດຕັດສິນຂອງອາເມລິກາ, ຫ້າມອາເມລິກາ ເຂົ້າຮ່ວມການເປັນຫຸ້ນສ່ວນກັບບັນດາບໍລິສັດຂອງລັດເຊຍ, ພ້ອມທັງຈຳກັດພົນລະເມືອງອາເມລິກາ ແລະ ບັນດາປະເທດຝ່າຍຕາເວັນຕົກ, ໃນນັ້ນມີທັງບັນດານັກຊ່ຽວຊານມີລະດັບຄວາມຮູ້ສູງ, ເຮັດວຽກຢູ່ລັດເຊຍ.

      ກ່ອນໜ້ານັ້ນ, ບັນດາສະມາຊິກສະພາຕ່ຳລັດເຊຍ ໄດ້ສະເໜີຮ່າງກົດໝາຍດັ່ງກ່າວ ໃນວັນທີ 13 ເມສາ ແນໃສ່ໂຕ້ຕອບນະໂຍບາຍຕ້ານລັດເຊຍ ຂອງອາເມລິກາ ແລະ ບັນດາປະເທດເດີນຕາມອາເມລິກາ ທີ່ຈັດວາງມາດຕະການລົງໂທດຕ້ານລັດເຊຍ.