ພິທີສະເຫຼີມສະຫຼອງ 85 ປີ ແຫ່ງວັນມູນເຊື້ອວຽກງານ
ຂົນຂວາຍປະຊາຊົນຂອງພັກ ( 15/10/1930-15/10/2015 )
(ພາຍ:qdnd.vn )
(vovworld)- ຕອນເຊົ້າ, ວັນທີ 3/10 ຢູ່ຮ່າໂນ້ຍ, ຄະນະຂົນຂວາຍປະຊາຊົນສູນກາງ ຈັດຕັ້ງພິທີສະເຫຼີມສະຫຼອງ 85 ປີ ແຫ່ງວັນມູນເຊື້ອວຽກງານຂົນຂວາຍປະຊາຊົນຂອງພັກ ( 15/10/1930-15/10/2015 ), ຕ້ອນຮັບຫຼຽນໄຊ ໂຮ່ຈີ່ມິນ ແລະ ກອງປະຊຸມໃຫຍ່ແຂ່ງຂັນຮັກຊາດ, ຍ້ອງຍໍບັນດາແບບຢ່າງດີເດັ່ນ “ຂົນຂວາຍປະຊາຊົນຢ່າງມີພິກໄຫວ” ໄລຍະ 2011-2015. ກ່າວຄຳເຫັນທີ່ພິທີສະເຫຼີມສະຫຼອງ, ທ່ານ ເລຮົ່ງແອງ, ຜູ້ປະຈຳການຄະນະເລຂາສູນກາງພັກຄອມມູນິດຫວຽດນາມ ຢັ້ງຢືນວ່າ: ໃນວິວັດການນຳພາປະຕິວັດ, ພັກຄອມມູນິດຫວຽດນາມ ຍາມໃດກໍ່ກຳນົດເອົາວຽກງານຂົນຂວາຍປະຊາຊົນແມ່ນໜ້າທີ່ມີຄວາມໝາຍຍຸດທະສາດ, ແມ່ນສິ່ງສຳຄັນເພື່ອຮັບປະກັນໃຫ້ການນຳພາຂອງພັກ, ປັບປຸງ ແລະ ເພີ່ມທະວີການພົວພັນລະຫວ່າງພັກ, ລັດກັບປະຊາຊົນ. ທ່ານເລຮົ່ງແອງ ຊີ້ແຈ້ງວ່າ:
“ຄວນສືບຕໍ່ຄົ້ນຄວ້າຊາບຊຶມຢ່າງເລິກເຊິ່ງ ແລະ ປະຕິບັດມະຕິຂອງຄະນະບໍລິຫານງານສູນກາງພັກໃຫ້ເປັນຢ່າງດີ ກ່ຽວກັບການເພີ່ມທະວີ ແລະ ປ່ຽນໃໝ່ການນຳພາຂອງພັກ ສຳລັບວຽກງານຂົນຂວາຍປະຊາຊົນໃນສະພາບການໃໝ່. ຄະນະພັກທຸກຂັ້ນຄວນສືບຕໍ່ປ່ຽນໃໝ່ເນື້ອໃນ, ວິທີການນຳພາຂອງພັກກ່ຽວກັບວຽກງານຂົນຂວາຍປະຊາຊົນ ແລະ ບັນດາຂະບວນການໂດຍແນວໂຮມປະເທດຊາດ, ບັນດາອົງການຈັດຕັ້ງມະຫາຊົນປຸກລະດົມ. ພ້ອມທັງສືບຕໍ່ຊາບຊຶມຄຳສັ່ງສອນຂອງປະທານໂຮ່ຈີ່ມິນໃຫ້ເລິກເຊິ່ງ ກ່ຽວກັບການແຂ່ງຂັນຮັກຊາດ, ແລະ ການແຂ່ງຂັນຮັກຊາດຕ້ອງໄດ້ຮັບການປະຕິບັດຢ່າງເປັນປົກກະຕິ”