(ພາບ:ktdt.com.vn)
(vovworld) ຕອນບ່າຍວັນທີ 19/12, ຢູ່ຮ່າໂນ້ຍ, ສະຫະພັນແມ່ຍິງຫວຽດນາມ ສົມທົບກັບອົງການຮ່ວມມືພັດທະນາແບນຊິກ ໄດ້ຈັດກອງປະຊຸມສິ້ນສຸດໂຄງການສິນເຊື່ອຫວຽດນາມ-ແບນຊິກ ໄລຍະທີ 3 ແລະ ແນະນຳຮູບແບບກອງທຶນສິນເຊື່ອ. ໂຄງການດັ່ງກ່າວໄດ້ຖືກປະຕິບັດຜ່ານ 3 ໄລຍະ ແຕ່ປີ 1999-2012, ຜ່ານການຜັນຂະຫຍາຍເປັນເວລາ 13 ປີ, ລັດຖະບານແບນຊິກ ໄດ້ໜູນຊ່ວຍຈຳນວນເງິນເກືອບ 45 ຕື້ດົ່ງເພື່ອຊ່ວຍເຫຼືອແມ່ຍິງທຸກຍາກກ່ວາ 52.000 ຄົນສຳພັດກັບແຫຼ່ງທຶນສິນເຊື່ອ ແລະ ບັນດາການບໍລິການພັດທະນາການດຳເນີນທຸລະກິດ. ທ່ານນາງຫງວຽນທິແທງຮ່ວາ ປະທານສະຫະພັນແມ່ຍິງຫວຽດນາມ ເນັ້ນໜັກວ່າ:
“ພວກຂ້າພະເຈົ້າຈະສືບຕໍ່ລາຍງານຕໍ່ລັດຖະບານເພື່ອສ້າງຕັ້ງກອງທຶນໜູນຊ່ວຍສິນເຊື່ອ, ແນ່ໃສ່ຊ່ວຍໃຫ້ບັນດາອົງການການເງິນຈຸລະພາກທີ່ຍັງໜຸ່ມແໜ້ນທີ່ສຸດ. ຕ້ອງເປີດກ້ວາງ ແລະ ພັດທະນາການເງິນຈຸລະພາກຈຶ່ງຈະຊ່ວຍເຫຼືອແມ່ຍິງທຸກຍາກໄດ້“