(vovworld) - ວັນທີ 31/7, ຢູ່ຮ່າໂນ້ຍ, ກະຊວງແຜນການ ແລະ ການລົງທຶນຫວຽດນາມ ສົມທົບກັບ ຫ້ອງການການຄ້າ ແລະ ອຸດສາຫະກຳຫວຽດນາມ ຈັດຕັ້ງກອງປະຊຸມສຳມະນາປະກອບຄຳເຫັນໃສ່ຮ່າງກົດໝາຍວ່າດ້ວຍການປະມູນ (ສະບັບປັບປຸງ). ພາຍຫຼັງ 6 ປີມີຜົນສັກສິດ, ກົດໝາຍວ່າດ້ວຍການປະມູນໄດ້ແກ້ໄຂບັນດາຂໍ້ຕິດຂັດໂດຍພື້ນຖານ ໃນວຽກງານເລືອກເຟັ້ນນັກປະມູນໂດຍນຳໃຊ້ທຶນຂອງລັດ, ປະກອບສ່ວນຢ່າງຕັ້ງໜ້າ ເຂົ້າໃນການສ້າງຕັ້ງ ແລະ ສ້າງສຳເລັດກົນໄກການເຄື່ອນໄຫວຂອງພື້ນຖານເສດຖະກິດການຕະຫຼາດຫວຽດນາມ, ເຊື່ອມໂຍງ ເຂົ້າກັບເສດຖະກິດຂອງພາກພື້ນ ແລະ ທົ່ວໂລກເທື່ອລະກ້າວ. ຮ່າງກົດໝາຍວ່າດ້ວຍການປະມູນ (ສະບັບປັບປຸງ) ຈະທົດແທນໃຫ້ກົດໝາຍວ່າດ້ວຍການປະມູນ ປີ 2005 ແລະ ບັນດາປະມວນກົດໝາຍທີ່ກ່ຽວຂ້ອງ. ທີ່ກອງປະຊຸມສຳມະນາ, ບັນດາຜູ້ແທນໄດ້ສຸມໃສ່ປະກອບຄຳເຫັນ ກ່ຽວກັບຂອບຂະໜາດການດັດປັບກົດໝາຍວ່າດ້ວຍການປະມູນ, ເລືອກເຟັ້ນນັກປະມູນ, ບັນດາຂໍ້ຜູກພັນໃນສັນຍາກັບນັກປະມູນ, ສິດ ແລະ ພັນທະຂອງຝ່າຍຕ່າງໆໃນການເລືອກເຟັ້ນນັກປະມູນ, ນັກລົງທຶນ, ຄຸ້ມຄອງການເຄື່ອນໄຫວປະມູນ ແລະ ປຶກສາຫາລື ເລື່ອງດັດປັບບັນດາຂໍ້ມາດຕາ, ດັດແປງບັນດາຄຳສັບໃນກົດໝາຍວ່າດ້ວຍການປະມູນ.